【自助餐放蛇臥底組】$208任食四両 大閘蟹放題

隻隻爆膏黏牙

上海新大眾經營 大閘蟹 生意十多年，有相熟的蟹商，要攞靚蟹無難度。今年更在自己的小餐館試牛刀搞任食。推出才兩星期已在網絡瘋傳兼好評如潮，聽聞有食客可拆12隻蟹，如此瘋狂，記者亦唔執輸挑戰一番。
於價錢最平時段入座、試最細的 大閘蟹 ，坐低入紙幾分鐘已有蒸好的蟹上枱；雖然只有3両半，但吃了五隻竟然四隻都爆膏，蟹膏質地仲好黏好滑；其中四隻蟹肉都新鮮到一梳梳，正喎！當街價3両半公蟹約$50/隻計，食到四隻以上已經賺咗！

同場還有也是任食的四款蟹粉前菜，例如蟹粉水餃、生炒蟹膏臘味糯米飯、蟹粉扒時蔬和生滾 大閘蟹 粥，不過整體而言，質素只是一般。以生滾 大閘蟹 粥最香綿最吃得過，但如非太餓，還是目標為本，繼續擦蟹為上策！

水餃算皮薄，不過吃落似普通韭菜豬肉餃，找不到蟹粉。

普通粉糰，不過薑湯不太甜，薑味很出。

糯米飯太黏太稠，同樣也不見蟹粉蹤影。頂肚也不錯。

蟹粥粥底好綿滑，有海鮮香氣，吃得過！

一個價錢還包括汽水任飲，還可以另加$48無限添飲古月龍山陳年花雕！店方會貼心地將花雕酒預先加熱，入口略香滑，暖暖地，襯 大閘蟹 的確一流！夠晒盡興！

唔夠喉，再有十四款不同風味的花雕選擇，最平$70都有交易，酒癡不妨慢慢揀。
提提大家，食 大閘蟹 涉及風險，抵唔住寒涼的朋友記得柯打薑茶密密飲。唔夠喉，也可即場在蟹櫃買蟹，回家再戰多個回合！
上海新大眾 大閘蟹 專門店 （排翔籠）
地址：土瓜灣美景街43號地下（顯示地圖）
電話：3954 5190
營業時間：6pm-2am
收費：
太湖約3両半至4両 大閘蟹 公及3両蟹乸任食，限時75分鐘：
星期一至四 10pm前入座 $228/成人、$128/小童；10pm後入座 $208/成人、$108/小童

星期五至日、公眾假期及前夕 10pm前入座 $238/成人、$138/小童；10pm後入座 $218/成人、$118/小童
備註：
1.設加一，只收現金
2.放題價格適用於元朗店（電話：6338 7644）
3.加$48任飲古月龍山只限土瓜灣店
4.另備有4両半至5両蟹公及3両半蟹乸任食 $288/位起，5両半至6両蟹公及4両蟹乸任食 $488/位起
延伸閱讀：
【掃街王】橫掃旺角最潮5大雪糕店！粒粒雪糕與雪糕雞蛋仔！
邪惡打邊爐！4間惹味芝士火鍋推介！【芝士迷食乜好】
【大角咀掃區】 5間CP值高餐廳