澳門好去處2024｜20大自由行旅遊景點/名勝/賭場推薦＋交通參考！

澳門好去處2024｜一表看清20大澳門好去處

澳門好去處2024｜20大自由行景點名勝推薦＋賭場攻略！情侶小朋友都啱去

喺澳門呢個小小嘅地方，都已經有超過30個名勝古跡被列入《世界遺產名錄》！除此之外，澳門琳琅滿目嘅娛樂設施、購物中心、街頭美食、同醉人夜景，未夾到時間去旅行嘅人，不如就趁周末計劃去個2日1夜嘅快閃澳門遊，嚟個出走香港嘅小旅行！

澳門好去處2024｜1.大三巴牌坊

大三巴牌坊係澳門地標，中西合璧嘅建築風格，在世界各地嘅天主教堂中都好罕見。呢到原本係聖保祿教堂正面前壁，1835年一場大火中後，僅剩下地基、石階，以及目前所見教堂的正面前壁。提起澳門就會諗到大三巴，可謂必到嘅打卡點啊！

澳門好去處2024｜2.瘋堂斜巷

去得大三巴，就一定要去埋附近離大三巴僅7分鐘路程的「瘋堂斜巷」！瘋堂斜巷因以往一間麻風病院取於上址而命名，係一條極具葡式風格嘅街道，街道上的所有建築外牆都非常色彩繽紛，主要顏色是黃色和紅色，好有建築特色。連路燈也改成歐式街燈，周圍都係打卡位！街道上幾乎全部建築都好有歷史價值，如瘋堂十號創意園、望德聖母堂以及非常聞名的老建築「仁慈堂婆仔屋」亦喺瘋堂斜巷上，現為文化創意空間，周末仲會有手作市集攤檔可以行吓！

澳門好去處2024｜3.新濠影滙水上樂園

夏天去澳門Staycation，如果不想只是在酒店泳池游水，不如就去新濠影滙水上樂園玩啦！新濠影滙水上樂園是全澳唯一室內水上玩樂熱點，亦有戶外園區，園內有16個刺激遊樂設施，包括極速水上過山車、室內衝浪、激流之旅以及7大水上滑梯等，喜歡挑戰膽量的你一定要去啦！

澳門好去處2024｜4.滿紛樂園

室內遊樂場「滿紛樂園」於去年8月份才開幕，佔地四層共 29,600 平方呎，設有五大主題遊樂區，分別為山岩、叢林、海底、外太空和太空站，區內多項刺激冒險機動遊戲、親子遊樂場、餐廳應有盡有，親子放電必到！

澳門好去處2024｜5.澳門teamLab超自然空間

既然未去到日本嘅話，其實澳門都有teamLab睇㗎！teamLab超自然空間展覽由藝術團隊teamLab打造，高度8m的超巨型作品群所構成，面積達5000平方米的復雜且具有高低差的立體交互空間。它同時也是一個探索人與自然，及對世界的新的認知的作品群體所構成的「身體沉浸式藝術空間」。通過超越身體與藝術之間的界限的體驗，重新定義自我與世界之間界限的感知。除咗打卡之外，希望大家都可以認識更多自己！

澳門好去處2024｜6.澳門旅遊塔

上去旅遊塔不一定要跳Bungee Jump，上去觀光都一樣可以！在223米高處以全新角度觀看澳門，可俯瞰澳門半島、氹仔、路環的摩天大樓、葡式歷史建築物，到美麗的海岸線也一覽無遺！

澳門好去處2024｜7.官也街

官也街位於澳門氹仔嘅中心地帶，係澳門第一個行人專用區。呢條得115公尺長、5公尺寬嘅小街林立大量出名嘅食店，例如：巨記餅店、莫義記雪糕、大利來記豬扒包、安德魯餅店等。記者星期六晚上當天去到，見到出現大批人龍排隊買小食同手信，其中必食安德魯餅店葡撻人龍長到要排到去後巷，場面墟冚！而另一樣最多人排嘅食店係牛雜店，人龍超長！無論大家係想掃街食嘢定係買手信送畀人都啱曬啦！

澳門好去處2024｜8.澳門漁人碼頭

澳門漁人碼頭佔地133,000平方米，距離外港客運碼頭只需10分鐘步行時間，而最吸睛嘅就係呢個古羅馬劇場打卡位，唔使去羅馬都睇到啦！超壯觀嘅古羅馬競技場仲好有歷史感，外牆都非常細緻。行完古羅馬劇場，可以行入「勵駿大道」感受異國風情！「勵駿大道」樓底高，空間感及採光感十足，仲有超繽紛嘅彩色建築，到處都是打卡位！不過記者當天去到大部分食肆都冇開，如果大家想坐低食嘢可能就要行返過去金沙酒店嗰邊，或者check定食肆營業時間，唔好摸門釘啦！

澳門好去處2024｜9.媽閣廟

媽閣廟係澳門現存最古老的廟宇，亦係當地歷史最悠久嘅文物建築。媽閣廟早期被稱為娘媽廟、天妃廟或海覺寺，後定名為「媽祖閣」，而華人一般俗稱為「媽閣廟」。媽閣廟內，有神山第一殿、正覺禪林、弘仁殿、觀音閣等建築物。新年佳節想轉下運，就嚟呢度求支簽、買道平安符啦！

澳門好去處2024｜10.東望洋炮台

炮台位於澳門半島最高峰東望洋山之巔，可以俯瞰成個半島，睇景一流！燈塔側嘅小教堂―聖母雪地殿，教堂內嘅拱頂和牆身繪有彩色壁畫，其繪畫技巧融合中西藝術，是本地眾多教堂中獨一無二嘅。

澳門好去處2024｜11.松山纜車

松山纜車是全球最短嘅架空索道，只需80秒就可以完成單程嘅路途，遊客可在纜車內飽覽東望洋山一帶嘅景色！

澳門好去處2024｜12.戀愛巷

戀愛巷嘅建築物色彩斑爛，全長約50米，粉色系的牆面和石頭鋪成的小路成為許多影視作品拍攝場景，十分打卡able。戀愛巷的葡文街道名字為”Travessa da Paixão”，其中”Paixão”是“熱情”的意思，原意為紀念耶穌為人類而犧牲的大愛，但後因翻譯上的誤會，造就了“戀愛巷”這個唯美街名。

澳門好去處2024｜13.大潭山眺望臺

乘依山坡而建的斜行式升降機到氹仔大潭山自來水蓄水池的平臺，可眺望到路氹城區的旅遊娛樂酒店的建築群和景色。

澳門好去處2024｜受歡迎賭場推介

「過大海」個個都想贏啲錢，澳門擁有眾多賭場，被評為世界三大賭場之一，亦有亞洲拉斯維加斯之稱。近年有不少新興賭場，擁有打卡、博彩、度假一站式玩樂體驗，今次整合澳門賭場各大資訊，包括營業時間、交通、籌碼兌換等，即睇詳情！

澳門好去處2024｜14. 澳門威尼斯人娛樂城

澳門威尼斯人娛樂城是澳門其中一個人氣經典賭場，以意大利威尼斯為藍本，賭場面積高達550,000平方呎，有850張賭枱和6,000多部角子老虎機。賭場周邊設有美食廣場及酒吧，亦位於澳門威尼斯人度假村內，集賭場、購物和娛樂為一體的大型綜合性賭場。

澳門賭場2024｜15. 澳門新葡京娛樂城

澳門新葡京娛樂城，位於澳門葡京路的新葡京酒店內，外形以圓蛋設計非常易認，是澳門最新、最大型的賭場之一。場內有240張賭桌和480部角子老虎機，包括傳統百家樂、二十一點、骰寶、輪盤，亦有中式博彩遊戲例如番攤和魚蝦蟹等，中西式博彩都有不同選擇。

澳門賭場2024｜16. 澳門美高梅金殿娛樂城

位於外港填海區孫逸仙大馬路澳門美高梅酒店內，共有385張賭桌及888部角子老虎機。整座建築充滿葡萄牙風情特色，外牆以波浪形式配搭金、白、玫瑰金三種顏色，盡顯賭場的華麗氣派。

澳門賭場2024｜17.澳門銀河娛樂場

澳門銀河娛樂場是澳門大型的綜合娛樂度假城，大廳正中央還有一座以孔雀作為意象的大型水幕噴水池，其中一個名為「娛樂之都」的區域，提供多個主題式遊戲，包括VR、模擬賽車等，適合喜歡不同娛樂的遊客。

澳門賭場2024｜18. 澳門葡京娛樂城

澳門葡京娛樂城是澳門其中一個最受歡迎及歷史悠久的賭場，外型以鳥籠為設計，是澳門地標之一。賭場內提供多種博彩遊戲，包括百家樂、廿一點、輪盤、法國輪盤、番攤、大小、搖銀機等，滿足不同玩家需求。

澳門賭場2024｜19. 澳門金沙娛樂城

澳門金沙娛樂城在全球享負盛名，面積達22,000多平方英尺，賭場內設有740張中西式賭枱及1,254部角子老虎機，是開幕當時澳門最大及全球賭枱最多的賭場。金沙娛樂城內設有巨型電視牆，可以實時轉播各種體育賽事。

澳門賭場2024｜20. 澳門新濠天地娛樂城

澳門新濠天地娛樂城座落於路氹連貫公路上，擁有豐富的博彩遊戲，擁有520張賭枱及1,350部角子老虎機，如百家樂、二十一點、加勒比海、輪盤、骰寶、魚蝦蟹、三公及角子機等，是澳門其中一間規模最大的賭場。除博彩外，亦有大型水上匯演-水舞間，結合舞蹈及特技呈現史詩式愛情故事。