深圳碳燒鰻魚5大推介｜即叫即燒超新鮮＋專人代燒服務
廣告
深圳碳燒鰻魚｜近年深圳掀起一股鰻魚熱潮，很多餐廳都有可以吃到即劏即燒活鰻魚，除了食材超新鮮有保證外，亦係以香港餐廳罕見的炭爐燒烤方式烹調。記者今次為大家整合5大人氣炭燒鰻魚餐廳，即睇詳情！
深圳碳燒鰻魚5大推介｜即叫即燒超新鮮＋專人代燒服務
深圳碳燒鰻魚｜1.北村韓食．活烤鰻魚（深圳店）
餐廳走韓式大排檔路線，除咗有由自家養殖場直送即叫即劏保證新鮮嘅招牌活烤鰻魚之外，亦有提供大量豐富嘅韓系料理例如：醬油蟹、吞拿魚紫菜拌飯、厚切五花肉同秘製牛肋條等，而有齊大部份招牌菜嘅雙人套餐都只係¥198，可以話CP值超高呀！
餐廳詳情
名稱：北村韓食．活烤鰻魚（深圳店）
地址：深圳梅林街道梅豐社區梅華路103號南鵬大廈F1層
前往方法：深圳地鐵梅林站C2出口步行約12分鐘
營業時間：週一至週日：11:30-14:30／16:30-01:00
深圳碳燒鰻魚｜2. 鰻次郎．鰻魚專門店（南海大道店）
鰻次郎餐廳主打一鰻三食：先品嚐鰻魚最原本嘅風味，再加入香蔥、紫菜同鮮磨Wasabi拌埋飯一齊食感受豐富嘅鮮味，最後加入高湯整成入口溫潤又唔膩茶泡飯享用！師傅採用關西風方法烹調，直接將鰻魚炭燒，所以能夠有非常濃郁嘅炭烤香氣、肉質亦會更香脆彈牙！
餐廳詳情
名稱：鰻次郎．鰻魚專門店（南海大道店）
地址：南海大道東華假日公寓A單位（咖啡部落背面）
前往方法：深圳地鐵9號線南山書城站C出口步行約4分鐘
營業時間：週一至週日：11:00-14:00／17:00-22:00
深圳碳燒鰻魚｜3. 釜元烤肉（車公廟店）
如果對鰻魚質素冇好高要求，只係想過口癮嘅人可以試呢間釜元烤肉！90分鐘任食任飲放題都只係¥138一位，推薦回本菜式有：汁燒鰻魚、榴槤、大蝦、雪花牛小排等，飲品方面除了汽水外，最驚喜係竟然有生啤任斟，啱晒無酒不歡嘅朋友仔！
餐廳詳情
名稱：釜元烤肉（車公廟店）
地址：深圳福田區泰然六路泰然工貿園213棟（停車場院內）
前往方法：深圳地鐵9號線下沙站C口步行6分鐘
營業時間：週一至週日：10:00-02:00
深圳碳燒鰻魚｜4.韓牛大叔炭火燒肉（君悅閣店）
一大班朋友約出黎飲酒，梗係要配韓式燒烤啦～招牌菜炭燒鮮活鰻魚有專人負責幫你把鰻魚燒得外焦內嫩、油脂飽滿，諗起都流晒口水！解放雙手之餘仲有大把時間可以同朋友吹水傾計。另有拉絲芝士粟米、菠蘿牛小排、韓牛拼盤都係味道兼賣相一流～
餐廳詳情
名稱：韓牛大叔炭火燒肉（君悅閣店）
地址：深圳市燕南路君悅閣9號
前往方法：深圳地鐵2號線燕南站A出口步行約3分鐘
營業時間：週一至週日：11:30-23:59
深圳碳燒鰻魚｜5. 獅子三活鰻魚烤肉
獅子三活鰻魚烤肉係其中一間非常人氣嘅排隊店～全程有專人幫手代燒，最特別嘅位師傅會特登將魚頭連骨分開切出擺盤以證明鰻魚係原條上冇蠱惑。另外亦推薦可以一試彈牙而不韌嘅厚切安格斯牛舌同埋處理得超乾淨、爽脆又嚼口嘅烤肥腸！
餐廳詳情
名稱：獅子三活鰻魚烤肉
地址：深圳南海大道2088號信和購物廣場4樓（星巴克旁邊電梯）
前往方法：深圳地鐵9、12號銭南油站F1口步行約4分鐘
營業時間：星期一至日：11:00-23:00
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
撰文：Yuki Lee圖片來源：西多事@小紅書、墨魚丸子@小紅書、釜元烤肉@小紅書、韓牛大叔炭火燒肉@小紅書、牛奶家族@小紅書
