深圳田舍家｜115樓高空嘆自助餐 ¥488任食龍蝦/帝王蟹腳/鵝肝！
廣告
深圳田舍家｜想搵間餐廳環境靚可以打卡之餘，又想有高品質嘅食物？不妨考慮北上深圳去呢間田舍家日本料理！餐廳位於市中心115樓高空，大大個落地玻璃啱晒影靚相，平日午餐大概只需人均¥200，而家仲有提供週末嘅自助餐，CP值超高呀！有興趣即睇詳情。
深圳田舍家｜115樓高空嘆自助餐 ¥488任食龍蝦/帝王蟹腳/鵝肝！
黎自日本嘅爐端燒名店「田舍家」其實喺深圳都有分店，餐廳位於世界第四高嘅深圳平安金融中心115樓～樓高535米可以邊嘆美食邊俯瞰福田CBD全景，藍天白雲、城市高樓盡收眼底。推薦大家預訂下午5:30左右，咁就好大機會可以享受到日落同絕美夜景，一個價錢兩份體驗，啱曬帶埋另一半一齊享受悠閒時光！
田舍家每逢週日都會提供午市自助餐，建議大家可以提早係小紅書購買優惠套票，最平只需¥488可任飲任食兩小時！各式刺身、冷盤海鮮包括：龍蝦、帝王蟹腳、大閘蟹等貴價食材無限量供應～特別推薦龍蝦，每一隻都鮮甜爆膏啖啖肉。
現場大部分美食都有師傅席前炮製，可以即叫即整，保證新鮮又熱辣辣！鐵板燒區提供香煎鵝肝、和牛、三文魚等，現切現揑嘅刺身同壽司、爐端燒區亦有真炭火燒烤製成嘅各種串燒、壽喜燒、蒸扇貝…嘢食種類多度令人眼花繚亂！
餐廳詳情
名稱：六本木田舍家深圳（福田店）
地址：深圳市福田區平安金融中心115樓
前往方法：深圳地鐵1、3號線購物公園站D2出口步行約8分鐘
營業時間：星期一至日：11:30-14:30 / 17:30-22:30
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
撰文：Yuki Lee圖片來源：六本木田舍家深圳@小紅書
