2017 旅遊展 7大 必玩必試 熱點｜日韓台泰澳 著數 率先睇！
#01。京都夢館 即場免費浴衣體驗
女孩子去京都最希望穿和服，遊走京都清水寺、伏見稻荷大社。京都夢館今年第一次來到香港旅遊展，為入場人士準備了十多套浴衣，只要 like 夢館Facebook，即可一嘗浴衣的滋味！每日會提供 4 個體驗時段，由11am開始，每個時段 1 小時，提供 30 個名額，先到先得。男女都可以一試，簡單 5 分鐘就完成穿着，非常方便！夢館亦有抽獎，大獎有浴衣，細獎也有吸油紙或者一包小零食。
展台：D124 – 京都和服體驗夢館
#02。Klook $1 Wi-Fi / 迪士尼、環球影城買1送1
Klook向來以 $1 Wi-Fi 打響名堂，今次旅遊展首日同樣推出 $1 Wi-Fi 優惠，只要輸入專屬代碼即享優惠，其後日韓台泰每日 $13-23 不等，除開非常抵用！會場更有限定優惠，即場買大阪環球影城或東京迪士尼門票買一送一，即是 $250 左右就可以入場玩，超划算。
展台：F118 – Klook旅遊科技有限公司
#03。拎住鐵路道具 影九州鐵道遊即影即有
入場最想拎走一堆戰利品，Hongkong Walker展台就有個即影即有服務，只要Like facebook，即可以同朋友拎住道具影張相，相上面更會有條問題，答中問題就會有份小禮物。同展館裡更有日本8天Docomo上網卡，9月前出發用足8天都只是$120，除開只是$15日。
展台：C121 – Hongkong Walker @ 香港角川有限公司
#04。HK Express 撳中目標時間 拎3千蚊禮券
去旅遊又點少得航空公司優惠，HK Express推出On Time Challenge，只要到攤位睇準計時器，成功撳中 「10:270」就可以獲得U-FLY holidays HK$3,000旅遊禮券！0.001至0.1秒誤差都有機會獲得獎品如 reward-U積分、旅行用透明袋及A4 File。每人只限參加一次；獎品數量有限，送完即止。
展台：K105 – HK Express
#05。韓國觀光公社 撳中目標時間 送豐富禮物
韓國「平昌冬奧齊接觸」遊戲玩法與HK Express遊戲相若，只要撳隨機按鈕，每日3名撳中最接近平昌冬季奧運開幕日期「2018.209」的最佳紀錄保持者就有機會獲得豐富獎品。每人只限參加一次；獎品數量有限，送完即止。
展台：L101 – 韓國觀光公社
#06。台灣展館舞台 即場抽獎
去到台灣展區聽到大會 mic 聲過去就啱啦！台灣觀光局今年的舞台活動接二連三，最重要觀眾都可以參與其中拎獎品！台北、台中、高雄等市、縣政府抽獎問答環節，兩日超過十幾場。抽獎活動前工作人員會在舞台附近隨機派出30-50張抽獎券，即場進行抽獎送出住宿券，無住宿券也會有小禮物；問答環節只要答中簡單問題即有機會獲得小贈品。自己睇好時間捕捉抽獎啦！
展台：P101 – 台灣觀光局
#07。買日本數據卡送現金券、$99港幣換購手機
購買任何一款日本4G LTE數據卡就可以得到和民集團500円現金券，同時有機會以HK$99換購市價價值$1,498的Musashi（武藏）雙mon摺機。只要在16、17日每日各兩個時段1pm及4pm前15分鐘將換購券交給工作人員，就會在上述時間抽出幸運兒。每個時段只限5部，每人限購1部。數據卡先到先得，售完即止。
展台：A115 – Plus One Marketing （FREETEL）
另外新假期也節錄了部分展位著數，到時大家入場就認真搵下啦！
著數1｜日本
a) 部分展商 Like facebook / 填問卷 送 小禮物
- 九州觀光旅行資訊
- Fukuoka hk福岡縣香港事務所
- Visit Saga HK佐賀縣香港事務所
- 熊本「紅」宣傳大使～熊本香港事務所～
- Miyazaki pref hk宮崎縣香港事務所
- Keisei Electric Railway Keisei Skyliner
- 沖繩Kariyushi Hotels香港事務所
全部數量有限，送完即止！
著數2｜韓國
a) 部分展商 Like facebook / 填問卷 送 小禮物
- 樂遊大邱
- 濟州觀光公社 + JEJU EZGO
- 濟州航空 抽免費機票
全部數量有限，送完即止！
b) 出示韓國電子機票送T-money
只要出示2017年9月1日至12月31日期間出發前往韓國的自由行電子機票就可以換取限量版T-money。每人最多換2張，限量300張，送完即止！
c) 韓國觀光公社 集印抽獎
於韓遊集印卡上集齊9個印章再填好問卷，就可以參與扭蛋抽獎，獎品包括韓國機票、住宿等！
d) 拍照區
與《鬼怪》主角海報影合照！旁邊也有「3D動感冰雪韓國」拍照區。
著數3｜台灣
a) 參與講座 即場抽機票住宿
只要參與17號1:30pm至2:30pm的「澎湖 – 世界最美麗海灣」講座，就有機會在問答環節中獲得澎湖機票及住宿。
b) 集齊印章 參加抽獎
參與公眾日場刊內的有獎問答活動，集齊主題印章就可以參加抽獎，有機會獲得台北、宜蘭、花蓮等地機票、酒店或套票多達15份獎品。
著數4｜泰國
a) 憑6月、8月泰國旅遊套票拎禮物
持6月泰國旅遊套票收據（正本及副本）可免費換取「Rabbit Card」一張；持8月泰國旅遊套票收據（正本及副本）可換取旅行袋。先到先得，送完即止。
b) 參與講座 即場抽機票住宿
參與泰國旅遊達人胡慧冲分享會有機會拎新鮮榴槤、玩遊戲還有機會贏機票！
c) 免費享受泰式按摩、手工藝工作坊
下載手機Apps就有機會享受免費泰式按摩！
著數5｜澳門
a) 平到笑 $500以下套票
- 中旅社 澳門喜來登酒店套票 每人 $499 起
- 澳門喜來登酒店1晚豪華房住宿 + 香港至澳門來回船飛 + 3日4G無限數據上網卡
入住日期：6 月 19 日至 10 月 31 日（指定日子除外）
＊每日首 30 名可享優惠
- 信德旅遊 澳門百老匯套票 每人 $498 起（減$200後）
- 澳門百老匯酒店 1 晚住宿 + 噴射飛航來回船飛 + 酒店早餐/百老匯餐飲消費券及百老匯奇幼秀門票
入住日期：6 月 22 日至 12 月 22 日（周日至周四出發）
＊每日首100名可享減$200優惠
b) 玩水必搶！天浪淘園入場套票
- 信德旅遊 澳門JW萬豪套票 每人 $688 起（減$200後）
- 澳門JW萬豪酒店 1 晚住宿 + 噴射飛航來回船飛 + 免費升至豪華客房 + 酒店早餐優惠
入住日期：6 月 22 日至 9 月 29 日（周日至周四出發）
＊每日首100名可享減$200優惠 - 中旅社 澳門JW萬豪套票 每人 $699 起
- 澳門JW萬豪酒店1晚尊豪房住宿 + 香港至澳門來回船飛 + 3日4G無限數據上網卡
- 入住日期：6 月 19 日至 9 月 29 日（指定日子除外）
- ＊每日首 20 名可享優惠
- 東瀛遊 澳門JW萬豪套票 每人 $719 起
- 澳門JW萬豪酒店1晚豪華客房住宿 + 香港至澳門來回船飛
入住日期：7 月 7 日至 9 月 29 日（指定日子除外）
＊名額有限 額滿即止
第31屆 香港國際旅遊展 2017
日期：2017年6月17日（六）及18日（日）（公眾日）
時間：6月17日 10am-7pm、6月18日 10am-5pm
收費：6月17日 HK$30、6月18日 HK$25
地點：香港會議展覽中心（Hall 1A-1E展館）（顯示地圖）
交通：灣仔地鐵站A5出口步行約10分鐘
備註：完成香港國際旅遊展網上問卷即享公眾日門票$5優惠券（必須列印） https://goo.gl/K9RqF9
