龍逸軒｜尖沙咀餐廳 必食大紅香芒乳豬
龍逸軒｜龍逸軒位於尖沙咀九龍酒店二樓，是一間以正宗粵菜聞名的高級中菜餐廳。餐廳以傳統烹調手法炮製一系列經典粵菜，包括大紅香芒乳豬、古法八寶鴨等懷舊菜式。龍逸軒不僅提供精緻的菜餚，還有舒適優雅的用餐環境，是品嚐正宗粵菜的理想之選。餐廳最近推出的懷舊手工晚宴，每位約800港元，性價比極高，讓食客能以合理價格享受到高質素的中菜盛宴。新假期美食編輯已經為你整理了餐廳的精選圖片、地址及交通資訊等，對呢間餐廳有興趣嘅朋友就可以Bookmark定啦！
編輯精選推薦：
尖沙咀中菜推介2024｜30間必食尖沙咀中菜：紫蘇蒸大閘蟹／烤北京片皮鴨／黑松露滑蛋斑球炒河
尖沙咀酒樓推介2025｜7間必食尖沙咀酒樓：古法八寶鴨 / 冰燒三層肉 / 潮式糯米卷
龍逸軒尖沙咀 | 營業時間/預約電話/地址/交通一覽
龍逸軒｜餐廳介紹 高級粵菜餐廳/酒店餐廳/懷舊手工晚宴
龍逸軒的廚師團隊以精湛的廚藝和豐富的經驗，為食客呈獻一系列令人驚艷的粵菜佳餚。餐廳的招牌菜式包括大紅香芒乳豬，以自家燒味部師傅精心烤製，皮脆肉嫩，搭配清甜芒果，口感層次豐富。古法八寶鴨則是一道極具特色的懷舊菜式，將多種配料如蓮子、栗子、金華火腿等釀入去骨鴨身，蒸煮而成，每一口都充滿驚喜。
此外，砵仔焗魚腸和碧綠蝦子柚皮等菜式也展現了廚師的高超技藝。前者將新鮮魚腸與蛋漿完美結合，焗至外脆內嫩；後者則將柚皮處理得清甜可口，配以鮮香蝦子，口感獨特。龍逸軒還提供多款精緻點心，如蟹籽蒸燒賣和晶瑩鮮蝦餃，都是不容錯過的美食。
無論是商務宴請還是家庭聚餐，龍逸軒都能滿足不同場合的需求。建議提前預訂座位，特別是週末和節假日，以確保能享受到這場視覺與味覺的盛宴。來龍逸軒品嚐正宗粵菜，感受傳統與創新的完美融合，絕對是一次難忘的美食體驗。
龍逸軒｜網民食評
龍逸軒食物質數、環境及氣氛如何？根據Google評論，目前龍逸軒總平均分數為4.4星，看看網民如何評論龍逸軒吧！
Tsunho Mak的食評：
朋友仔一向大推九龍酒店「龍逸軒」中菜，菜式款式選擇夠多之外，製作過程以致選材，一向有品質保証！今日就約埋一班朋友去龍逸軒一嚐最新推出既懷舊手工晚宴套餐，每一款中菜都係經典中嘅經典，以傳統烹調手法炮製出一系列滿滿情懷嘅懷舊美食！———————————————————🥢懷舊手工晚宴🥢🥢大紅香芒乳豬由自家燒味部師傅主理，烤製出一流乳豬！乳豬皮脆肉嫩，中間薄薄既油脂油香四溢，香脆得黎充滿濃厚豬肉鮮香！配以清甜多汁芒果，於面頭一層層鋪上，擺盤精美！🥢菜膽螺頭燉海參真材實料燉湯，夠哂滋補！湯頭清澈，入口滿滿螺頭既咸鮮味，配以超巨型海參，口感Q彈，加上以菜膽燉煮，份外清甜！🥢桂花炒魚翅功夫講究既菜式！量魚翅混合蛋絲、肉絲及椰菜絲爆炒，炒至乾身，火喉十足！魚翅入口滑順，層次分明，必試！🥢砵仔焗魚腸經典懷舊菜式！新鮮既魚腸經多重功夫處理後搭配蛋漿、芫荽及料酒混合，焗至外層香脆，內層既蛋漿及魚腸層次感十足，入口甘香綿密，新鮮味美！🥢碧綠蝦子柚皮絕對係一款講求細節嘅菜式！柚皮入口清甜，完全無苦澀味，口感豐富，份外Juicy，配以大量鮮香蝦子及秘製醬汁，特別滋味！🥢頭抽香煎美國生蠔採用煎焗嘅烹調手法，將肥美厚肉嘅生蠔煎至香脆惹味！再加入頭抽煎焗，將蠔肉嘅外層煎至金黃色，賣相一流，蠔肉啖啖肉咬落好Creamy，的確出色！🥢枝竹豆腐炆海星斑海星班每個部位都夠厚肉，尤其係骨腩嘅部位油渣後，外層香脆，加入枝竹、冬菇、豆腐等材料炆煮，食落香口得來滿滿鮮味！🥢古法八寶鴨整餐懷舊菜最期待嘅菜式！八寶鴨採用多種配料，釀入已去骨嘅鴨身，蒸煮而成，猶如百寶袋一樣！配料有齊蓮子、栗子、金華火腿、薏米、糯米及瑤柱等等，索盡鴨肉既精華，每一啖食得份外滿足，確為傳統經典懷舊粵菜！🥢蓮蓉西米焗布甸香甜既蓮蓉混入西米及雞蛋焗制，入口軟糯香甜，啖啖滿足！🥢懷舊芝麻卷懷舊芝麻卷全人手制作，用上大量黑芝麻磨制，經人手拉制後，一層層卷上，入口既芝麻香氣爆登，清甜得黎，煙煙韌韌，係我最鍾意嘅中式飯後甜品！———————————————————🌟餐廳：龍逸軒（九龍酒店）📍地址：尖沙咀彌敦道19\\\-21號九龍酒店2樓
Liu Pedder的食評：
貨不對辦，奄仔蟹只得四両，欺騙顧客😤首先，來到已感覺很奇怪，大廳小貓三四隻，冷冷清清，員工士氣低落沒精打采，笑容欠奉，招呼奇差，冇人主動加水，冇人主動收碟，關鍵是場內只有幾枱客。投訴重點：我們今天是衝着黃油蟹來的，由於九龍酒店在自己網站上標榜每人一隻六至七兩黃油蟹，一期一會別錯過，所以我們便趁着節日來試一試，結果送到一大家面前的竟然是一隻又一隻不足四兩的蟹仔，而且蟹腳都甩晒，簡直令人無明火起，於是我們立即叫經理來確認。我們問譚光明Thomas經理說\\\ 貴酒店不是在網站推廣每人一隻約六至七兩黃油蟹？為何只得這麼小？一看就知只有三、四兩啦。譚經理說，我們收到供應商只查看是生是死，沒有去磅幾重架，可能來貨時的重量是包括扎在蟹身上的草啦。（嘩⋯！！咁都得？酒店喎？冇準則嘅咩？）於是我們要求經理去磅一下這些蟹到底幾重，結果是只有四兩！（太過份⋯⋯•）即是蟹身上的草有三兩啦！我們這次用餐的體驗十分十分差，感覺不被尊重，感覺酒店當顧客係傻瓜，比什麼你吃什麼，你們叫加水才加水，你們叫換碟才換碟，完全冇服務可言，這還配得上酒店中菜廳嗎？收得咁嘅價錢（688/位），但係咁嘅質素如何挽留香港消費者嘅信心？！\
餐點：1/5\\\|服務：1/5\\\|氣氛：1/5
Heimen的食評：
今時今日，想嘆番餐懷舊傳統既手工中菜，又想坐得舒舒服服、環境優雅，絕對係可遇不可求👀👀作為中菜界天花板嘅九龍酒店✨龍逸軒✨就推出左全新既懷舊手工晚宴，一圍八位用，人均唔使\\\$800，已經包含加一服務費及茶芥，一個價錢就可以嘆盡全港最高質之一嘅中菜🎊性價比極高👍🏻👍🏻———————————————————🌟懷舊手工晚宴🌟🔹大紅香芒乳豬講求刀工及火候控制嘅菜式！乳豬肥瘦適中，外皮卜卜脆，油脂及肉質好balance，由自家燒味部廚師主理，火喉一流！擺盤亦夠晒精緻，加入一片片清香既芒果，層次分明，又可以中和乳豬既油膩感，成個組合夠晒出色！🔹菜膽螺頭燉海參原汁原味燉湯，夠晒養生！用料矜貴，螺頭加海參呢個組合鮮味十足，夠晒滋補，湯頭清甜得黎又滋潤！🔹桂花炒魚翅材料豐富，魚翅經多重工序混合蛋絲及配料炒至乾身，條條分明，層次感十足！魚翅入口Q彈，配料豐富，值得一試！🔹砵仔焗魚腸呢款咁懷舊嘅菜式買少見少，除咗製作工序繁複之外，選材及主製過程都好考功夫！魚腸處理得非常乾淨，完全冇魚腥味道，入口帶點爽彈，搭配濃濃蛋漿，料酒等配料焗制而成，外層焦脆，肉裏蛋漿混合鮮嫩魚腸，口感綿密，大滿足！🔹碧綠蝦子柚皮另一款巧手懷舊中菜！柚皮經過多重處理，去除苦澀味，留下淡淡清香，口感軟綿綿，搭配大量鹹鮮味十足嘅蝦子，伴以濃稠醬汁及生菜，入口超幸福！🔹頭抽香煎美國生蠔美國生蠔出名肥美大隻啖啖肉，食落口感相當Creamy～餐廳將生蠔煎至金黃色，加入頭抽增其鮮味，一口咬落，色香味俱全！🔹枝竹豆腐炆海星斑海星班夠哂厚肉，外皮Q彈，連同骨腩等部位輕輕拉油後，加入枝竹、豆腐及冬菇等配料炆煮，食材夠哂豐富，海星斑新鮮嫩滑，啖啖鮮美絕無腥味！🔹古法八寶鴨主角出場，漸漸失傳嘅手工菜式，令人驚喜！廚師將原隻鴨起骨，刀工及經驗缺一不可，再釀入已炒香既金華火腿、蓮子、薏米、糯米及粟子粒，經蒸煮後，配料與鵝肉嘅油香完美融合，輕輕切開鬆軟嘅鴨肉外層，材料四溢，味道香噴噴，一款超別緻嘅手工菜式！🔹蓮蓉西米焗布甸傳統嘅中式懷舊甜品，細細個已經好鍾意食！蓮蓉西米入口軟糯，香甜滑順，下層布甸蛋香味十足，甜而不膩！🔹懷舊芝麻卷呢款懷舊芝麻卷口感Q彈，層層分明，入口滿滿芝麻香氣，夠哂清甜，為充滿懷舊特色嘅晚餐畫上完美句號！———————————————————「龍逸軒」既中菜一向夠哂水準，除咗用了選料高質之外，每道菜式都充分反映師傅巧手既烹調技巧！今次主打嘅懷舊手工晚宴套餐，每一款都係工序繁複，落足心機炮製嘅懷舊中菜，除咗份量十足之外，價錢亦超吸引，一個價錢就可以嘆盡咁多款既經典又巧奪天工既菜式，絕對係高質、高性價比之選！
龍逸軒的懷舊手工晚宴包括哪些菜式？
龍逸軒的懷舊手工晚宴包括多道經典粵菜，如大紅香芒乳豬、菜膽螺頭燉海參、桂花炒魚翅、砵仔焗魚腸、碧綠蝦子柚皮、頭抽香煎美國生蠔、枝竹豆腐炆海星斑、古法八寶鴨等。晚宴還包括甜品如蓮蓉西米焗布甸和懷舊芝麻卷，為食客提供豐富多樣的傳統粵菜體驗。
龍逸軒的用餐環境如何？
龍逸軒位於九龍酒店二樓，提供舒適優雅的用餐環境。作為一家高級中菜餐廳，龍逸軒注重為客人營造愉悅的就餐氛圍。餐廳裝潢典雅，服務專業，適合各種場合的用餐需求，無論是商務宴請還是家庭聚餐都能得到妥善安排。
