食盡日本地道產物！冬日暖笠笠　味噌牛乳美人鍋｜懶人廚房

Party Time仲未諗到食咩大餐好？！深受大人小朋友喜愛嘅和風涮涮鍋同壽喜燒一定冇得輸！闊別家鄉日本咁耐，係時候一次過回味各個縣份嘅美味產物！準備歎返個暖笠笠火鍋同時，試想吓用札幌濃厚雞高湯醬油或者豚肉味噌做火鍋湯底，喜歡用壽喜燒醬油做湯底又得，配上佐賀縣嘅有田町雞肉、福岡縣秋香園嘅本菇、長野縣娟豆腐、工藤舍油揚（即炸豆腐）、日本直送新紀元曉白蛋，伴以BELL涮涮鍋醬汁及芝麻味噌醬，令人十分懷念啊！立即睇定推介，跟住懶人廚房準備味噌牛乳美人鍋食材，邊開Party邊懷緬日本美食啦！

暖笠笠和風涮涮鍋

札幌兩大濃厚雞湯醬油同豚肉味噌做涮涮鍋湯底，總有一款合心意！札幌濃厚雞高湯醬油味湯底，用咗超濃郁雞湯同蔬菜熬製而成，而濃厚豚肉味噌湯底就用咗白味噌同紅味噌，加入豚肉同蔬菜熬製，既濃郁又惹味，2款都只需直接放入鍋煮滾便可！喜歡更濃郁味噌湯底的，可以加入無添加減鹽味噌，用咗優質大豆同100%國產大米製成，並且減少25%鹽分，食得健康又提升到食物鮮味，咁就食得更滋味啦。

涮涮鍋點少得啖啖肉呢？用來自日本佐賀縣嘅有田町雞肉就啱晒喇！脂肪含量比一般雞肉低，肉汁豐富而且有口感，仲係無添加任何激素，食得健康，仲獲得多個日本獎項添！配埋口感清爽嘅福岡秋香園本菇，同埋日本北阿爾卑斯山泉水製作嘅長野縣娟豆腐，吸盡湯底精華。

火鍋醬汁同樣要食得地道，用埋呢枝以北海道利尻產昆布同富良野酒釀造嘅醬油，帶有淡淡蘋果汁嘅醇香，用嚟沾上輕輕涮熟嘅薄切牛肉就適合不過！而喜歡和風口味就要揀芝麻味噌醬，帶出更濃厚涮涮鍋風味。

味噌牛乳美人鍋

立即睇以下味噌牛乳美人鍋教學，歎返個冬日暖笠笠鍋物先！

材料

甘筍、京蔥、大白菜、皇帝菜、金菇、秋香園真空本菇、鮮冬菇、ASAHICO娟豆腐、豚肉片、芋絲

工藤舍油揚、新紀元卵 曉、有田町雞肉、蔥、薑、DAIRY霧島山麓牛乳、神州一味噌無添加減鹽味噌

預備方法

1. 將雞肉洗乾淨切成小件

2. 把雞肉、蔥段和薑片放入鍋中煮熟

3. 蔬菜洗淨，甘筍切片壓花、鮮冬菇中間切十字

4. 京蔥斜切、大白菜切段

5. 娟豆腐切件

6.將油揚切半，包入整顆生蛋，用蔥綁緊

7.豚肉片汆水後放入鍋

8.加入本菇及其餘配料

9.將減鹽味噌加水拌勻

10.倒入減鹽味噌、牛乳及水，小火煮5分鐘至微滾

11.打上生雞蛋

12.完成。

同場加推：超滿足經典壽喜燒料理

食完涮涮鍋仲有咩好推介？傳統壽喜燒一定係食牛愛好者嘅至愛日式火鍋料理之選！將喜愛鍋料食材放入呢款壽喜燒料理醬油，佢用咗咸醬油、味醂同清酒嘅完美比例製成，可以增強肉類或者蔬菜嘅鮮甜度，記得加入關東煮嘅常客—油炸腐皮（油揚），必試來自工藤舍嘅「油揚」，以嚴選大豆製成，豆味香濃，腐皮有嚼口，內裡質感柔軟，仲係無添加防腐劑，每一口吸盡壽喜燒醬汁精華，超滋味！

更多日本食材：https://www.aji-no-chinmi.com.hk/zh_hk/category

（Presented by 味珍味）