火腿芝士麵包條＋Salad in a Jar＋紅石榴多多｜搵食新煮意 （新假期APP限定）
廣告
新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！秋高氣爽，最適合就係野餐！11月18日《搵食新煮意》——野餐提案：火腿芝士麵包條＋Salad in a Jar＋紅石榴多多，教你點樣整既好食又打卡-able嘅野餐美食，附野餐好去處！
11月18日搵食新煮意：火腿芝士麵包條＋Salad in a Jar＋紅石榴多多
1.火腿芝士麵包條
野餐鍾意歎番杯的人，總愛買點巴馬火腿、麵包和芝士送酒。除了淨吃，還有一種更滋味更優雅的食法！加點翠綠的羅勒，做一籃巴馬火腿羅勒芝士麵包條，集鹹香、酥脆、清香於一身，更吸引惹味！
材料：
- 巴馬火腿 8片
- 芝士麵包酥條 8條
- 新鮮羅勒葉 16片
做法：
- 將巴馬火腿切成長條形。
- 將羅勒葉放在麵包酥條上輕輕按實。
- 將巴馬火腿繞在芝士麵包酥條上，即成。
2.Salad in a Jar
野餐想吃沙律，又怕太早將醬汁與食材拌勻，會易變壞兼影響口感？不妨試試Saladin a Jar！話說外國人很多時正餐都食沙律，想到了將食材分層放於樽中，一次整好幾樽放雪櫃，每天grab 個樽就出門，中午時shake 兩shake，或用羹攪兩攪就食得，口感保持新鮮爽脆之餘，食材又可有不同變化。下次做定幾樽帶去野餐，一人一樽，方便！
材料：
- 凱撒沙律醬 3湯匙
- 乾煙肉粒 2湯匙
- 芝士粉 2湯匙
- 脆麵包粒 3湯匙
- 羅馬生菜 半碗
做法：
- 先將凱撒沙律醬倒入樽，再加入乾煙肉粒。
- 在樽內再加入芝士粉及脆麵包粒。
- 最後加入羅馬生菜，即成。
3.紅石榴多多
食完野餐餐點後配上酸酸甜甜的紅石榴飲品，慢慢度過野餐的悠閒時光～
材料：
- 紅石榴汁 100g
- 益力多 1瓶
- 冰塊 大半杯
做法：
- 先於杯內加入冰塊
- 加入紅石榴汁及益力多
- 攪勻即可飲用
三大野餐好去處
香港有不少野餐好去處，為大家介紹三個交通方便的野餐地點吧～
1.金鐘添馬公園
金鐘商業中心都有大草地，而且是地鐵站行5分鐘就到，正！
2.香港嘉里酒店公共空間
位於紅磡的香港嘉里酒店，內藏約萬呎的公共空間，不僅位置就近民居，除草地外，還有維港 180度大海景，可以吹吹海風，聽住海的聲音！
3.西九文化區
地點就腳，港鐵站步行10分鐘直達，而且位於市區中心，環境舒適之餘更有海景嘆，絕對是野餐的好地方！
圖片來源：新假期編輯部、JusReal 授權、西九文化區網頁
