KFC蘑菇飯＋香茅燒雞＋蛋撻｜搵食新煮意（新假期APP限定）
廣告
新假期全新欄目《搵食新煮意》，每日為你推介今日食乜好！除了提供不同菜式的食譜，讓你留在家中自煮，都可以輕鬆試盡各地佳餚滋味；更會為你推介近期值得一試的香港餐廳，在家煮以外亦有不少好選擇，留在香港都可以齊齊搵食！9月14日《搵食新煮意》：KFC蘑菇飯＋香茅燒雞＋蛋撻。
9月14日搵食新煮意：KFC蘑菇飯＋香茅燒雞＋蛋撻
1.KFC黑椒蘑菇飯
KFC名物，不得不提黑椒蘑菇飯，但到店內食的話總有一個缺點，就是醬汁太少，醬汁吃完白飯卻剩下一大半。其實這個醬汁做法不難，只需4款材料即可，且味道超濃，配上任你加的蘑菇，送飯一流。
材料：
- 新鮮啡蘑菇 一盒
- 牛味濃湯寶 1粒
- 水 300ml
- 粟粉 3茶匙
- 黑椒 適量
做法：
- 蘑菇切片，落鑊倒少少油，蘑菇炒至縮水及變深色後，盛起備用。
- 鑊中加入牛味濃湯寶，再倒水煮滾，滾後加入蘑菇，加蓋細火炆煮5分鐘。
- 開蓋轉大火，煮到略為收汁後用粟粉水打茨。
- 最後加入黑椒調味。
2.香茅燒雞
香茅在烹調上的可塑性相當之高，可以將它舂爛後榨取汁液醃肉、切碎燜煮咖喱、加冰糖煲成香茅茶，甚至做出帶有香茅味道的各種蛋糕及甜品。我很喜歡以香茅入饌，無論肉類或海鮮，它都可以令菜式帶有一種清新鮮美的味道。今期跟大家分享的這道 香茅燒雞 ，簡單易做，皮脆肉嫩，絕對可以成為家中飯桌上的招牌菜。
材料：
- 雞 1隻（ 約2斤半）
- 香茅 300克（約20枝，只要白色莖部分）
- 生粉水 適量
調味料：
- 紹酒 2湯匙
- 麻油 1湯匙
- 老抽 1湯匙
- 海鹽 1.5湯匙
做法：
- 將雞劏好，洗淨，抹乾水份； 香茅洗淨， 瀝乾水份， 切碎，備用。
- 將紹酒，麻油，老抽調勻，塗勻雞身內外，然後再將海鹽塗滿雞身內外，再把香茅碎釀入雞肚，以鵝尾針縫好，用保鮮紙包著醃一晚。
- 隔日拆去保鮮紙，預熱焗爐約150℃， 把雞放進焗約1小時。
- 焗爐加熱至250℃，再焗約15-20分鐘至雞表面金黃香脆，取出香茅碎，用篩將雞汁過濾及隔去油份。
- 吃時可原隻上，或將雞肉手撕上碟，將雞汁煮至濃稠或用生粉埋薄芡，淋上雞面即可享用。
3.蛋撻
相信蛋撻在香港人心中的地位絕對超然，無論什麼早餐、下午茶、甚至是宵夜時段，熱騰騰的蛋撻總是非常受歡迎的。
牛油皮材料（約15個的份量）：
- 室溫無鹽牛油130g
- 糖霜55g
- 雞蛋1隻
- 低筋麵粉220g
- 奶粉10g
- 鹽1g
餡料：
- 熱水200ml
- 砂糖100g
- 花奶85g
- 雞蛋3隻（打成蛋液）
蛋槳做法：
- 用熱水溶解砂糖。
- 倒入花奶、雞液拌勻。
- 過篩倒入量杯內備用。
做法：
- 低筋麵粉及奶粉過篩備用。
- 牛油加入糖霜，用打蛋機低速打至淡色。
- 雞蛋打成蛋液，逐少加入混合物中打勻，以免油水分離。
- 將麵粉加入牛油混合物內，加入鹽用膠括拌勻，成牛油皮麵糰，放入雪櫃冷藏約30分鐘。
- 牛油皮分成等份，每份約30g，用姆指按壓入撻模中。
- 用叉在撻皮上刺洞，以免在焗製時撻皮隆起。
- 將蛋漿注入撻皮至差不多滿，預留少許膨脹的空間。
- 放入已預熱至200°C的焗爐中焗約17-20分鐘。
- 撻皮焗至金黃及蛋漿微微脹起後，取出脫模，即可享用。
圖片來源：邪釘橫輝·惡人妻、Jacky Yu、OL醉愛廚房 授權
