月見櫻花意粉＋星空布丁｜搵食新煮意（新假期APP限定）

6月27日搵食新煮意：月見櫻花意粉＋星空布丁

1.月見櫻花意粉

平時的櫻花美食以甜食或壽司為主，今次創作的月見櫻花意粉，用上櫻花蝦、鹽漬櫻花及水波蛋 (poached egg) ，做法很簡單，卻讓人感到特別的浪漫心甜，女孩子看見了，一定會極速愛上了。

材料 (2人份量)：

• 意粉 約1/3包
• 櫻花蝦 約8g
• 鹽漬櫻花 2朵
• 食用櫻花粉 少許
• 洋蔥(切絲) 半個
• 雞湯 約50ml
• 巴馬臣芝士粉 適量
• 海鹽 少許
• 蒜蓉 1湯匙
• 無鹽牛油 約10g
• 橄欖油 少許

水波蛋(Poached egg) 材料：

• 雞蛋 2隻
• 白醋 1湯匙
• 水 適量

做法：

1. 把櫻花蝦浸在水中約5分鐘，隔水待用。
2. 製作水波蛋，水滾後加入白醋，轉小火，輕力放入雞蛋。
3. 蛋白慢慢在水中凝結，煮約3分鐘，隔水盛起待用。
4. 另水滾後，加入少許的鹽及橄欖油，放入意粉，根據包裝上的時間烹煮，然後盛起以橄欖油稍為拌勻。
5. 洋蔥洗淨去皮切絲待用。
6. 取2朵鹽漬櫻花放在水中沖洗花上的鹽份，抹乾水份待用。
7. 鹽漬櫻花購自日本，在香港的烘培店也有售
8. 取平底鑊，下油，油滾起煙，轉小火，下無鹽牛油及蒜蓉。
9. 炒香牛油及蒜蓉後，轉中火，下洋蔥絲。
10. 放入櫻花蝦炒勻。
11. 放入意粉炒勻。
12. 倒入雞湯炒勻至收乾水。
13. 灑入適量的巴馬臣芝士粉及少量的海鹽拌勻。
14. 盛起意粉，放上水波蛋，把鹽漬櫻花放在蛋黃上，再平均放入食用櫻花粉，完成。

2.星空布丁

位於日本草津溫泉街的一間布丁專門店「草津溫泉布丁」，自推出漸層星空布丁後大受歡迎，令不少港人都慕名而去。即使未必能到日本一嘗滋味，但有網友研發出食譜，不論味道及外型均完美還原，且製作簡單，漸層幻彩藍紫色勁呃Like。

材料（3至4杯份量）：

下層材料：

• 日本雞蛋 25g (先拌勻)
• 北海道牛奶 110g
• 糖 20g
• 魚膠片 2片（薄、用凍水浸軟，揸水）
• 雲呢嗱香油 2滴

上層材料：

• 蝶豆花粉 少許（自行調教顏色深淺）
• 熱水 10g
• 銀糖珠 5g
• 檸檬汁 少許（怕酸可先加少許幼砂糖拌勻）
• 水 300g
• 糖 25g
• 大菜絲 2g至3g（浸軟，揸水，剪碎）

下層做法：

1. 用一小煲，加入日本雞蛋、北海道牛奶、糖，拌勻後用小火煮至攝氏60度。
2. 混合物過篩，加入魚膠片，再拌勻。
3. 當魚膠片溶化拌勻，再過篩。
4. 加2滴雲呢拿香油，拌勻，再過篩。
5. 布甸液變得滑溜無雜質。
6. 平均倒入3個布甸杯內，放雪櫃約2小時。

上層做法：

1. 用一小碗，加入蝶豆花粉、熱水、銀糖珠拌勻成蝶豆花水，備用。
2. 另一煲加水，滾後加入大菜絲，小火煮至溶。
3. 加入糖，攪拌至糖溶化。
4. 熄火，加入蝶豆花水，拌勻。（*如想做全紫色，此時滴少許檸檬汁，拌勻）
5. 待稍涼後，從雪櫃取出布甸杯，倒入蝶豆花水。（*如想頂部變成漸變紫色，此時立即滴幾滴檸檬汁，動作要快手！）
6. 放入雪櫃冷藏至凝固。