叉燒腸粉＋娃娃菜煮魚片＋清心蘋果麥冬無花果甜湯｜搵食新煮意（新假期APP限定）

4月18日搵食新煮意：叉燒腸粉＋娃娃菜煮魚片＋清心蘋果麥冬無花果甜湯

1.叉燒腸粉

去酒樓飲茶，腸粉通常都是必叫的點心。但原來自家製都唔難，不用焗爐，蒸籠都慳番，有部蒸氣焗爐就得！今次教你一機速成，先用蒸烤功能做新鮮出爐Juicy叉燒，再用高溫蒸腸粉，咁就無論早餐、宵夜，隨時都有得食，即學。

叉燒材料：

• 脢頭豬肉 400克
• 叉燒醬 1湯匙
• 海鮮醬 1湯匙
• 生抽 半湯匙
• 老抽 半湯匙
• 砂糖 1茶匙
• 玫瑰露油 1茶匙
• 蜜糖 適量

腸粉材料：

• 粘米粉 150克
• 粟粉 30克
• 澄麵 15克
• 水 450毫升
• 油 適量
• 葱花 適量

做法：

1. 豬肉用刀背拍鬆肌肉纖維。
2. 倒入所有醃料（蜜糖除外），醃大約30分鐘。
3. 放入預熱至220℃的 蒸氣焗爐 ，蒸烤12分鐘，再反轉蒸烤10分鐘。
4. 取出塗上蜜糖，再用100℃蒸氣烤8-10分鐘即成。
5. 叉燒放涼後再切粒備用。
6. 預備粉漿，將粉類混合，加水攪拌至無粉粒。
7. 在蒸盤上掃油，倒入薄薄一層粉漿，用100℃蒸氣蒸3-4分鐘。
8. 取出放上叉燒粒、葱花等配料，再蒸2-3分鐘。
9. 用膠刮捲起成腸粉即成，如此類推直至粉漿用完。

2. 娃娃菜煮魚片

煮家常便飯最令新手頭痛就是不知道放多少調味料先夠。就算有食譜，很多時都只寫「少許」，但少許即係幾少呢？用雞湯代替調味料，倒入娃娃菜同魚片中，就能夠免卻不少煩惱之餘，又可以提升鮮味！

材料：

• 亨氏清雞湯 1.5碗
• 娃娃菜 2棵
• 蘑菇 數粒
• 雲耳（已浸發）幾朵
• 魚片 1條
• 蒜蓉 2茶匙
• 薑蓉 1茶匙

做法：

1. 蘑菇先出水去除草腥味。
2. 兩茶匙油爆香幾片薑和蒜頭，然後倒入所有材料略炒。
3. 加入雞湯，以中火煮滾，即成。

3. 清心蘋果麥冬無花果甜湯

麥冬味甘性微寒，有養陰生津，潤肺清心之效；百合能潤肺止咳，清心安神；而南杏又稱為甜杏仁，補肺潤燥治咳喘；再配上蘋果，無花果和栗子乾，又甜又清潤，最適合作為飯後甜湯，飯後潤一潤！

材料：

• 麥冬 1把
• 蘋果 1個 (或小裝的2個)
• 無花果 2顆
• 栗子乾 5-6顆
• 南杏 1把
• 百合 1把

做法：

1. 凍水落材料，煲2小時15分鐘就成！