彩虹米紙卷＋櫻花雪梨西米露｜搵食新煮意（新假期APP限定）

3月13日搵食新煮意：彩虹米紙卷＋櫻花雪梨西米露

1. 彩虹米紙卷

選擇食素的人越來越多，素食店也比從前多了很多。即使多了素食店，很多人都喜歡自己煮素食。其實，要將蔬菜玩得出神入化也並非難事，彩虹米紙卷是從越南米紙卷改良而成，用料千變萬化，製作簡易隨意，全程不用15分鐘。今日《搵食新煮意》為大家準備了彩虹米紙卷的食譜，讓大家可以在家中試做。

材料：

• 越南米紙 1包
• 甘筍 1條
• 青瓜 1條
• 彩椒 3個
• 三色番茄 一盒
• 紫椰菜 半個
• 士多啤梨 4粒
• 奇異果 2個
• 牛油果 1個
• 薄荷葉 適量
• 羅勒 適量
• 米粉 一包

醬汁：

• 泰式酸甜雞醬 2湯匙
• 青檸汁 1茶匙

做法：

1. 將甘筍、青瓜、彩椒、紫椰菜切絲；番茄、 士多啤梨、奇異果、牛油果切片備用。
2. 米紙以40-50°C溫水浸軟約10秒，取出，用廚紙吸走多餘水份。
3. 米紙平放於砧板，將喜愛的材料放入米紙中間偏下的位置，從自己身體方向往外捲便成。
4. 將泰式酸甜雞醬及青檸，汁調勻，吃時蘸上適量即可。

2. 櫻花雪梨西米露

鹽漬櫻花在烘焙店或大型西式超市有售，買返黎首先要浸洗好幾次，令鹽味帶走，然後櫻花獨特的「梅香味」就會慢慢滲出來。酸酸甜甜的清香櫻花，適合配搭一些同樣清香的食材，以突顯櫻花本身的味道。今次教大家加入西米露和雪梨，這碗微甜清香嘅櫻花湯水，好快、好容易就煮好啦！

材料（4人份量）：

• 鹽漬櫻花 10克
• 西米 50克
• 雪梨 1個
• 水 4杯
• 冰糖 25克

做法：

1. 鹽漬櫻花浸水2-3小時，中途換水2-3次，瀝水。
2. 雪梨去皮，切幼粒。
3. 煲內注入水煮滾，下西米以中大火煮5分鐘，然後加入雪梨、櫻花和冰糖略煮至糖溶。
4. 熄火，加蓋焗約20-30分鐘至西米完全熟透，完成。