清湯蘿蔔炆牛肋條＋無花果咕嚕肉＋薑汁撞奶｜搵食新煮意（新假期APP限定）

2月19日搵食新煮意：清湯蘿蔔炆牛肋條＋無花果咕嚕肉＋薑汁撞奶

1.清湯蘿蔔炆牛肋條

不少人做牛肋條會選用紅酒或茄汁，但其實用清湯蘿蔔來炆亦是不錯選擇，效果大概與香港人喜愛的清湯牛腩一樣，清甜鮮美又Juicy。今次一煲過的做法簡單又方便，零難度！

材料：

• 牛肋條 一磅
• 水 1L
• 白蘿蔔 半條
• 鹽 適量
• 月桂葉 3片
• 花椒八角 一茶匙
• 桂皮 一片

做法：

1. 牛肋條洗淨汆水抹乾備用。
2. 白蘿蔔去皮切大件備用。
3. 在鑄鐵煲內加入所有材料（除了白蘿蔔），以大火煮滾後轉小火煲40分鐘，再加入白蘿蔔，再煲20分鐘左右，焗30分鐘，下鹽調味即可。

2.無花果咕嚕肉

咕嚕肉可以配搭多款水果，最為人熟知的就是菠蘿，而今次用上無花果，脆皮又多汁！

材料：

• 五花腩（已去皮）250克
• 生粉 30克
• 油（走油用）200毫升
• 薑 3片
• 無花果乾（用水浸3小時並切半）3粒
• 番茄（切四份）2個
• 西芹（切段）1條
• 茄汁 1湯匙
• 水 40毫升
• 糖 1湯匙
• 生抽 1茶匙

豬肉醃料：

• 米酒 1茶匙
• 調味雞汁 1茶匙
• 白胡椒 適量
• 糖 1/2茶匙
• 芝麻油 1茶匙
• 粟粉 1/2茶匙

做法：

1. 將豬肉切成薄片，拌入醃料於雪櫃醃60分鐘。
2. 將每件豬肉的每一面都沾上生粉。
3. 起油鑊，放入豬肉炸約2分鐘至金黃及脆身；隔油。
4. 用同一隻鑊爆香薑，加入其他配料，蓋上蓋子煮5分鐘至汁變杰身。
5. 放入豬肉，拌勻後立即上枱。

3.薑汁撞奶

製作薑汁撞奶做飯後甜點，簡單又快捷，數分鐘就可以完成一碗好味又熱騰騰的薑汁撞奶。把握尚涼的天氣，好好吃暖笠笠的甜品吧！

材料：

• 薑汁 1 1/2湯匙（每碗計）
• 砂糖 適量
• 鮮奶 1盒（約236毫升）

做法：

1. 將薑磨成薑蓉，用隔篩或小湯袋壓取薑汁。
2. 煲熱鮮奶，下砂糖調至自己喜愛的甜度，煲至冒起白煙約80°C左右。
3. 將薑汁倒入碗中，再將80°C之鮮奶從高角度撞入碗中，待約30秒至1分鐘，鮮奶會自然凝固即成。