全港最濃抹茶雪糕?!?! 尖沙咀10大新人氣小食 |掃區王

Mar 18 2016

每次去尖沙咀行行吓街就口痕想食嘢，又唔想食正餐，但唔知食乜好，宜家唔怕冇選擇喇！因為最近呢區推出咗好多新款小食，有超濃郁抹茶雪糕、日本鬆軟布雪、爆湯生煎包、Q彈熊啤啤軟糖等等，每款人氣超級高！呢d小食可以輕食之餘，又唔會太飽肚食唔到正餐。掃區王宜家就帶大家去掃哂呢10款小食啦！

首先為大家介紹上月剛開業的甜品店，最受歡迎就是抹茶雪糕，好似日本淺草甜品店咁，有得畀你自選濃度抹茶雪糕！仲有幾款創意小食，棉花糖爆谷同一個人蛋糕，都係必試嘅小食。

一.4款濃度抹茶雪糕

有15%、25%、40%同50% 四款濃度的抹茶雪糕，每款濃度的雪糕質地都非常滑、而濃度愈高，奶味就愈淡，但抹茶味就愈濃！50％濃度抹茶雪糕，抹茶味道十分豐富，食完苦澀味更會停留在口中，而15%濃度抹茶雪糕比較甜，奶味重d。唔想淨食雪糕咁齋，可以加$10，就可以自選4款配料配雪糕。

不過，想食50％濃度抹茶雪糕的話，就要再等吓喇，因為呢款雪糕3月尾先會推出，但確實日期仲未公佈。

尖沙咀_AFunStore_抹茶雪糕 — 呢款50％濃度抹茶雪糕，3月尾先會推出，想試嘅朋友仔就要等吓喇。

2. 甜而不膩！軟綿綿棉花糖爆谷

棉花糖爆谷再加朱古力，極邪惡！見到都覺得膩，但食落完全係兩回事，因為爆谷味道不太甜，配上棉花糖同朱古力，甜度剛好，反而食完仲想繼繽食落去！而且大大份可以同朋友仔開心share。不過，食嗰陣要小心d，因為隻手會變到「黐笠笠」。

棉花糖爆谷係即叫即整，一般製作時間都要5-10分鐘，想食就要耐心等侯。

尖沙咀_AFunStore_綿花糖朱古力爆谷 — 爆谷味道不太甜，配上棉花糖同朱古力，甜度剛好。
棉花糖朱古力爆谷 $38

3. 一個人自私食蛋糕

想食蛋糕，但有時太大個，自己一個食唔哂，呢款「一個人蛋糕」就啱哂你！細細個蛋糕，一個人自私食就啱啱好。蛋糕有4款口味的蛋糕，包括玫瑰、柚子味、香蕉朱古力味、凍頂烏龍，再可以自選4款配料加1款醬汁或果醬，任你mix and match！

尖沙咀_AFunStore_一個人蛋糕 — 呢款係玫瑰蛋糕，配上其他配料卻不會蓋過蛋糕的玫瑰味，蛋糕幾鬆軟，不會過甜。
一個人蛋糕 $65

尖沙咀_AFunStore_環境 — 除咗食嘢，呢度有唔少精品同雜貨，每款都好特別好可愛。

A Fun Store
地址：尖沙咀彌敦道100號The One 5樓 Kiosk 5A (顯示地圖)
營業時間：星期日至四:12nn-10pm；星期五至六:11am-11:30pm
電話：3188 5122

呢間餅店嘅芝士撻一向都好受歡迎，相信亦都有唔少人食過。最近佢出咗2款新品，分別係布雪和葉子派，淨係睇名可能唔知係咩嚟。布雪係北海道一款叫生ブッセ（生Bouchee）的甜點，係忌廉夾心蛋糕仔；而葉子派係日式餅乾，喺日本洋果子店都會見到佢嘅蹤影。2款新品推出唔夠兩星期，已經唔少人喺Instagram打卡大讚呢兩款新品好食！

4.Cream滑鬆軟布雪

布雪一共有煉乳、抹茶、士多啤梨、朱古力4款口味，蛋糕非常鬆軟，而內裡的忌廉夠軟滑，蛋糕與忌廉的份量剛好，感覺唔會太膩。

尖沙咀_半熟工房_布雪 — 士多啤梨布雪（上）：士多啤梨味遁突出，但味道較甜。
抹茶布雪（下）：抹茶味濃郁，而且有少少回甘。（$15/個；$65/5個1盒）

5.脆卜卜楓榶葉子派

話明係「葉子」，外型梗係成塊葉咁啦，雖然餅乾上面佈滿楓榶，但入口唔會太甜，而且餅乾非常酥脆，口感像酥皮餅乾，有淡淡牛油香。

尖沙咀_半熟工房_葉子派 — 葉子派食落唔會太甜，而且脆卜卜，有牛油香。（$13/塊；$70/6塊1盒；$130/12塊1盒）

Instagram有好多人打卡，對呢兩款新品作出好評。

@hanjukukobo #布雪 #bouchee 是法文一小口點心的意思這個布雪比不只吃到一口，還可與朋友分享分亨外形非常可愛，蛋糕軟綿綿夾上不同口味的cream~~~so so cuteeee!!!! $15@, $65/box 一盒可以揀五個，唔同口味都得架！ *★臨近#白色情人節 ☆※ 佢地仲有#白朱古力味yaaa!!!! #datewivtst #datewivcake ➖➖➖➖➖➖➖➖➖➖➖➖➖➖➖➖ 【#半熟工房 #Hanjukukobo】 📍尖沙咀金馬倫道6a #蛋糕#布雪蛋糕#綠茶控 . . . . . #hkdessert #wwhkfood #hongkongfoodie #hongkongfood #hkeats #甜品#食左先講#hkig#hkfoodie#hkfood#hkfoodies#igfoodie#hkboy#hkgirl#noms#相機食先#一路食一路post#hkfoodblogger#topcitybiteshk
HK foodie | 香港食食食（@datewivfood）張貼的相片於 2016 年 3月月 10 9:48下午 PST 張貼

半熟工房新品～ #布雪（hk$15 一件、hk$65 五件）有幾款味比大家簡，例如白朱古力、朱古力🍫🍫、抹茶、煉乳、士多啤梨🍓🍓！好似蛋糕仔咁軟綿綿，夾住好軟滑既cream! 我比較鐘意抹茶🍵🍵同埋朱古力口味、味道比較突出！抹茶仲食到啲回甘味添！而其他口味都係偏甜左小小🙈🙈 . #半熟工房 #尖沙咀金馬倫道6A地下 #yannaho尖沙咀 HK Foodie | Yanna 🐽🐷（@ooonly4food）張貼的相片於 2016 年 3月月 14 5:59上午 PDT 張貼

@hanjukukobo °•º#葉子派 🍃º•° 這個餅餅超大塊…非常鬆脆咬下其實有點像千層酥… 面撒上白色糖份加添一點甜又加一點浪漫感 #datewivtst ➖➖➖➖➖➖➖➖➖➖➖➖➖➖➖➖ 【#半熟工房 #Hanjuku】 📍尖沙咀金馬倫道6a #hanjukukobo#小食#散水餅#零食#リーフパイ#葉 HK foodie | 香港食食食（@datewivfood）張貼的相片於 2016 年 3月月 11 6:23下午 PST 張貼

半熟工房
地址：尖沙咀金馬倫道6A地下（顯示地圖）
營業時間：星期一至日21am-9pm
電話：6129 9293

為人熟悉嘅祥興記生煎包，上年荃灣分店獲米芝蓮街頭小食推介，點知被業主加租被逼搬遷，去年年尾結業後，上個月已經喺尖沙咀開返舖，大家等咗咁耐，終於有得食返昔日嘅生煎包喇。睇吓佢有冇保持返水準先！

6.新鮮熱辣！爆湯生煎包

同以前一樣，生煎包係即場包即場整，新鮮熱辣出爐。生煎包的外層比坊間較簿，而包底煎至金黃香脆，一咬開個包，湯汁即刻流出來，豬肉亦非常鮮嫩爽口。

祥興記上海生煎包
地址：尖沙咀樂道48號地下6A號舖（顯示地圖）
營業時間：星期一至日10am-10pm
電話：2915 0389

來自德國嘅Bears &Friends上星期終於登陸香港，喺尖沙咀開設第一間專門店，今次Bears香港專門店將提供47款軟糖，以自助形式售賣，唔駛食嚟食去都係熊仔果汁軟糖，仲有番學生時期放學夾糖嘅感覺。而佢哋嘅軟糖用德國巴伐利亞森林生產嘅水果，提取果汁成份，再加入每一粒軟糖上，更有幾款軟糖加入咗果肉喺裡面，令口感更豐富添！

7.自己糖自己夾！Q彈熊啤啤軟糖

呢度有超過40款軟糖，自己鍾意食咩就夾咩，唔止有果汁軟糖，仲有d特別口味，好似香檳、英式酒、薄荷味等等嘅糖，想試又驚唔鍾意，夾一兩粒返去食就得，唔駛買成大包之後唔食咁浪費。

尖沙咀_Bears&Friends_香檳軟糖 — 除咗果味軟糖，呢款香檳味熊仔軟糖都好受歡迎！

尖沙咀_Bears&Friends_自選糖果 — 用杯裝自選糖果，方便隨街拎住食，唔會麻煩。（$18.5/g）

8. 超濃咖啡味軟糖

咖啡糖你可能食得多，但咖啡軟糖你又試過未？呢款咖啡軟糖有Espresso、Mocha、Cappuccino 3隻味，前2款咖啡味都好濃，Cappuccino奶味較突出，而且煙煙韌韌嘅口感好特別，但呢款就冇得自己夾，一定要另外買。買咖啡軟糖，仲會送埋隻玻璃杯畀你，食完糖仲有靚杯用！

尖沙咀_Bears&Friends_咖啡糖連杯 — 咖啡軟糖食落真係好似飲咖啡咁，口感煙韌好特別。
咖啡糖連玻璃杯 $128

新開張自然有優惠吸客，依家去到LCX店鋪嘅專櫃便可以領取優惠卡一張，憑卡不單止可以免費試食，仲可以換領迷你熊仔軟糖一包，買滿$100有9折優惠，不過呢個著數只去到3月31日。

Bears &Friends
地址：九龍尖沙咀海港城海運大廈三階LCX, Kiosk K13號鋪（顯示地圖）
營業時間：星期一至日10am-10pm
Facebook：Bear & Friends Hong Kong

鍾意咖啡嘅你，應該都聽過林東源呢個名，最近佢嘅台北咖啡店Gabee跟牧羊少年合作，開設全新品牌，由林東源親自設計咖啡Menu同裝修，連咖啡豆都是每兩星期從台灣運來。主打12款創意咖啡，全部都將咖啡和唔同食材融合，其中必試嘅係香港獨有的「楊枝甘露」及贏得世界冠軍的得獎作品「啡你莫薯」，究竟係咩嚟？試吓咪知！