沙嗲牛肉麵＋西多士｜搵食新煮意（新假期APP限定）

10月9日搵食新煮意：沙嗲牛肉麵＋西多士

1.沙嗲牛肉麵

數到茶餐廳經典美食，沙嗲牛肉麵一定榜上有名！惹味沙嗲湯汁，配上滋味牛肉，再加上彈牙公仔麵，香濃得讓人忍不住大快朵頤。今次在家自煮的茶餐廳之夜，教你沙嗲牛肉麵食譜！做法簡單，只需幾個步驟，撇除醃肉時間，需時不過15分鐘。

醃牛肉材料：

• 牛肉 200克
• 生抽 1湯匙
• 糖 1茶匙
• 胡椒粉 少許
• 水 80毫升
• 生粉 2茶匙
• 油 1湯匙

沙嗲醬料：

• 蒜頭（切成蓉） 2粒
• 沙茶醬 3湯匙
• 花生醬 2湯匙
• 糖 1茶匙
• 水 100毫升

其他材料：

• 公仔麵 1個
• 麻油 少許

做法：

1. 牛肉切片，先加入生抽、糖、胡椒粉拌勻，再逐少加入水，待牛肉完全吸收水份後，加生粉及油拌勻，醃30分鐘。
2. 準備沙嗲醬料，加入沙茶醬、花生醬、糖、水拌勻成沙嗲醬汁，備用。
3. 以大火燒熱鑊，加入少許油，放入牛肉快炒至6至7成熟，盛起備用。
4. 在鑊中加少許油，放入蒜蓉爆香，再加入沙嗲醬汁及牛肉煮至稠身，盛起備用。
5. 煮滾水後，落公仔麵煮熟，盛起後加入沙嗲牛，下麻油調味即成！

2.西多士

西多士食譜不少，做法也不同。這經典美食，大家茶餐廳就食得多，但原來正宗法蘭西人做法可不如香港一樣，搽牛油、淋糖漿，反而灑上糖霜及水果，替原本外脆內軟西多士添上一層香甜滋味，在不少Cafe都有供應。今次教你這個正宗法蘭西多士pain perdu食譜，只需把兩邊慢慢煎熟便可，零難度可言！假日留在家，早餐諗唔到食乜？嗯！是它了！

材料：

• 麵包 2塊
• 牛奶 120ml
• 雞蛋 2隻
• 糖 2茶匙
• 雲呢嗱香油 2滴
• 牛油 適量
• 糖霜 適量
• 伴碟水果 適量

做法：

1. 將牛奶、雞蛋、糖、雲呢嗱拌勻。
2. 麵包放入蛋液中，讓麵包兩面吸滿蛋液。
3. 牛油慢火將麵包的兩面煎至金黃微焦即可。
4. 用時以糖霜和水果伴碟。