這個冬天不怕冷！UNIQLO無縫羽絨新體驗！＠Miss Sunny

Nov 29 2018

(Presented By Uniqlo)

天氣終於開始凍喇，又係Sunny啲羽絨褸出動嘅時候喇！一提起保暖衣服Sunny梗會諗起UNIQLO 嘅羽絨，今年佢哋推出全新無縫羽絨外套Seamless Down，採用無縫壓線技術，令羽絨有更強嘅防風跣水性能，抵禦嚴寒天氣！全新設計仲加咗唔少細節位令羽絨實用性提高，集時尚與實用兼備！加埋加強版嘅無縫超輕型羽絨連帽外套無論用嚟外穿，或著喺大衣內作時尚layering配搭都輕身保暖，有埋防風保暖褲，今個冬天隨時都暖笠笠啦！！

1. 抵禦寒冬必備──UNIQLO全新無縫羽絨連帽外套

嚟緊冬天Sunny會去歐洲等地方旅行，點可以無一件超保暖又防風跣水嘅羽絨大衣傍身！UNIQLO最新嘅無縫羽絨連帽外套Seamless Down Parka，無縫壓線設計除咗可以阻擋寒風同微雨，仲令羽絨毛無咁易飛出嚟。全新嘅束手設計仲可預防冷風滲入，令保暖度大大提升！新設計同樣採用修身剪裁，令女士就算著長褸都唔怕臃腫。而外套除有內袋暗隔，仲加咗放置耳筒嘅暗隔位置，就算著大衣聽歌講電話都可享受無拘無束嘅自在感覺。

2. Layering時尚配搭必備──無縫超輕型羽絨連帽外套

除咗羽絨大衣，Sunny有時會內搭UNIQLO嘅無縫超輕型羽絨連帽外套，增加Layering嘅塑造性。薄身嘅無縫超輕型羽絨連帽外套除咗可當外套著，仲可配襯喺大褸內增加層次感。無縫超輕型羽絨同樣有跣水防風作用，喺雨天下能保護外套內的羽絨之外，同時能令內裡衣物保持乾爽。無縫超輕型羽絨連帽外套仲附有便攜索繩袋，方便收納同外出時減輕行李負擔。無論係無縫羽絨或是無縫超輕型羽絨都適合唔同天氣同場合，梗有一款係你心水選擇。