識揀一定揀小儀？TVB新劇剩女小儀(A餐)對女神高海寧(B餐) | 愛情食物鏈
人如其名，小儀飾演嘅魯佳芳老老土土又矮又平凡，但廚藝了得，絕對稱得上賢良淑德，而高海寧飾演嘅高貴芬，樣靚身材正，但就十足港女格。有人話過「揀男神就純粹睇樣」，仲要睇下係咪成熟穩重、對眼靚唔靚。如果宜家要你揀老婆，小儀同高海寧一個有內涵，一個有外表，成個Package嚟睇，你又會點揀？
[poll id=”3″]
宅男女神高海寧固然有好多宅男支持，但之前亦有網民話小儀撼贏性感高海寧，成個Package最適合做老婆。老婆-able嘅小儀得到不少網友力撐，「識娶，一定係娶小儀啦」，仲話想推到小儀做女神。但小儀就好謙虛地回應：「唔駛封我做乜做物喇，我做番自己得㗎嘞！」
小儀飾演嘅魯佳芳雖然樣貌唔出眾，不過廚藝高超，可以創造千變萬化嘅美味菜式。我哋係全能嘅Facebook發現，原來小儀喺現實當中都係個入得廚房嘅廚藝高手！湯水、海鮮、蒸飯、糖水⋯⋯咩菜式都難唔到佢，學佢話齋：「掂！」
