【Coffee推介】RENPHO Wi-Fi智能體脂磅😍 升級功能體驗＋全方位監察13項身體數據

Nov 2 2021

新常態令大家近年嘅生活習慣起咗唔少變化，亦比以前更重視個人健康做多咗運動。想擁有健美體格，除要訂立可行目標同見效訓練外，仲要有其他好幫手成日喺身邊激勵打氣！教練加workout buddies仲未夠，想搵多個智能好幫手時刻精準地追蹤住體脂同其他身體狀況？一於睇吓呢部近日連星級瑜珈老師Coffee試用完都讚好推介嘅「美國RENPHO Premium智能體脂磅（Wi-Fi版）」啦！

外國網購經驗豐富嘅你可能對於RENPHO，呢個獲FDA認證嘅美國智能健身及生活用品品牌略有印象，皆因佢嘅智能體脂磅長期高踞住Amazon全球銷量榜嘅首位^！全球APP嘅下載量亦已超過1,000萬！連帶同品牌其他產品，好似智能單車機、按摩椅，甚至智能種植機等亦成為Amazon Best sellers^！

^ 數據來自Amazon內部銷售數據，並獲Amazon’s Choice認證推薦。

今次新出嘅「RENPHO Premium智能體脂磅（Wi-Fi版）」以全黑鏡面設計登場，比起前兩款產品更富時尚感同科技感。

13種身體數據隨時準確偵測

Renpho現時共有3款智能電子磅，全部均能精確地偵測、顯示並監察13項身體數據，包括體重、身體質量指數（BMI）、體脂比例（Body Fat），就連身體含水量、骨骼重量、無脂體重、肌肉質量、骨骼質量、蛋白質、基礎代謝率、皮下脂肪、內臟脂肪同埋代謝年齡都有齊！畀你清楚了解自己做完運動後到底燃燒咗幾多卡路里，更能助你搵出自己嗰排到底係真肥定係水腫、一直以嚟究竟係骨重定脂重等呢啲好易同肥胖混淆嘅狀況，從而作出最有效嘅調整方案。

Wi-Fi升級版自主連接APP

只要順手下載埋RENPHO手機APP，即可借助精簡圖表做好紀錄，方便追蹤每日、每星期、每月嘅進度。舊版RENPHO智能電子磅係透過藍牙連接手機，並且需要同步開啟手機APP一齊使用嘅。而最新推出嘅「Premium智能體脂磅（Wi-Fi版）」就更貼近大家平日使用智能產品時嘅習慣，改為用2.4GHz Wi-Fi(注意暫不支援5G Wi-Fi)或藍芽連接，唔駛吓吓都要打開手機同個APP先至用得到。就算撞啱手機無電都可以照樣上磅，直接將數據同步輸送至APP度，即時Keep Track自己嘅健康指數。

Coffee喺片中又溫醒大家，只要首次使用時做好晒Set Up，之後每次使用時只要連接Wi-Fi，毋須打開手機同APP，身體數據就會自動傳返手機APP度做紀錄。

一APP最多 8人共享各存數據

由於「Premium智能體脂磅（Wi-Fi版）」最多可自動分辨8位已登記嘅使用者，只要喺Wi-Fi模式下，一踏上磅即可進行自動識別，即時將健康數據傳送到該位使用者嘅個人裝置，方便多位家庭成員分享使用，又能為各人保留私隱避免尷尬。加上機身尺寸只有280 x 280 x 25 mm，輕巧纖薄又易收藏，更能承受3kg至180kg嘅重量，真係一家大細連寵物都啱用呀！購買新機時仲會送埋3粒AAA（1.5V）鹼性電池，等你一收到貨後即可以開箱用得，夠晒貼心。

新增兩大特點強化偵測功能

人靠衣裝，磅亦要靠包裝。今次「Premium智能體脂磅（Wi-Fi版）」就喺表面加咗 ITO透明電膜塗層，而傳感器嘅面積亦比其他品牌嘅大好多，兩大新增特點既能有效增加偵測數據嘅準確性，亦大大拉升產品外型嘅時尚高級感與科技感，可謂內外兼備。

旺角體驗店試玩AI單車機

其實RENPHO近日已經悄悄由美國登陸香港，喺旺角雅蘭中心開咗全新體驗店啦！有興趣嘅朋友記得過嚟體驗店試吓個全新「Premium智能體脂磅（Wi-Fi版）」，同埋另一款人氣產品「AI智能健身單車機」啦～後者能夠根據你嘅身型、減肥、減重目標同能力，用AI演算法設計出最適合你嘅個人化健身運動計劃；配合使用RENPHO AIGym App，更可以免費使用70多種健身訓練課程！！𠵱家嚟體驗店試玩「AI智能健身單車機」，仲可以同步感受埋融合唔體esports元素嘅新鮮刺激感，免費幫你邊玩邊減就係咁筍！