保齡球都吸到！Philips神「吸」3合1無線拖地吸塵機吸塵+拖地一Take過搞掂高效率清潔全屋

Aug 12 2022

乾淨嘅屋企就人人都想要，但就唔係人人都想又吸塵又拖地咁麻煩㗎嘛！想一Take過同時吸塵拖地，咁又點少得神「吸」隊友Philips 3合1無線拖地吸塵機幫手呢～佢一機就可以吸塵、拖地、消毒地板，令到清潔更加有效率，而且仲有多款配件幫你更輕鬆地清潔屋企嘅窿窿罅罅，絕對係性價比極高嘅家居清潔好幫手！

拖地吸塵一Take過全屋清潔更高效率

放工拖住疲倦嘅身驅，返到屋企仲要先吸塵後拖地真係令人叫苦連天…Philips Aqua Plus 3合1強力無線拖地吸塵機就可以輕鬆幫大家解決呢個煩惱，事關佢配備專利吸塵拖地系統，只要喺吸扒後方配上瞬間裝卸外置水箱就可以同時吸塵兼拖地，大大提升清潔家居嘅效率！呢款拖地吸扒採用全新雙向吸塵設計，無論係前推後拉都可以將灰塵吸走，仲會因應吸塵方向自動調節吸力，加埋三重過濾系統，一推一拉就能有效去除高達98% 日常塵垢、細菌及致敏原，比起傳統吸塵拖地方便得嚟仲節省咗好多時間𠻹！

而附送嘅抗菌微纖維抹布採用Always Clean抗菌塗層，輕鬆將地板上嘅污垢抹走之餘，用後24小時嘅抗菌率仲高達99%*，尤其適合有小朋友嘅家庭！而外置水箱仲可以加入無泡殺菌地板清潔劑，就連漂白水都可以加入水箱，清潔同時消毒嘅地板，咁就可以確保地板一「菌」不染啦！

專利360度吸頭零死角吸走99.7%灰塵、污垢

除咗可以用拖地吸扒吸塵同時拖地，仲可以換上專利360°全角度吸扒，佢獨特嘅四面吸力前後左右都可以吸入污糟嘢，再加埋鋸齒形膠邊設計，當面對數量較多嘅污染物都可以更平均、更大吸力處理，吸得更快更乾淨，一推一拉就可以去除周邊99.7%灰塵和污垢^！

另外吸扒頭仲配備LED燈，而且獨特設計仲可以更低角度、更貼近地面使用，輕輕鬆鬆就可以深入窿窿罅罅，就算係梳化底、櫃底嘅塵，都可以睇得清、吸得到！

超強吸力＋長達80分鐘使用時間
乾淨、續航力同時兼備

一個好嘅吸塵機除咗要有好嘅吸扒，亦都要有好嘅吸力，咁先可以令清潔效果事半功倍～Philips Aqua Plus 3合1強力無線拖地吸塵機配備PowerBlade數碼摩打，每分鐘可以創造超過1,100公升嘅強勁氣流，勁到就連保齡球都可以吸得到，一瞬間就可以將塵垢、毛髮極速吸走，從此可以毫不費力咁打掃屋企！

吸塵機嘅電力同續航力都係大家會考慮嘅部份，Philips Aqua Plus 3合1強力無線拖地吸塵機就改用新一代鋰電池，叉一次電最長可以連續80分鐘強效清潔，而且吸塵機仲設有智能電子面板提醒大家叉電同清潔濾網，咁就唔使再怕電量不足而無法清潔全屋啦～

配備多款配件輕鬆清潔每個角落

Philips Aqua Plus 3合1強力無線拖地吸塵機唔單止吸力勁、吸扒設計又令清潔工作更有效率，佢仲可以變身成為長、短手提吸塵機，夠晒靈活～另外佢仲附設多款配件，電動床褥吸扒用嚟清潔床褥、梳化簡直係一流，最正係佢仲可以有效去除寵物毛髮同塵蟎，毛孩家庭必備！至於窄縫吸嘴就可以深入罅隙、天花、牆角等等嘅鬼祟位，屋企嘅每個角落都可以輕鬆清潔埋，咁就唔使等到大掃除先嚟清潔搞到捩咁棄啦！