One Piece水上嘉年華 ！7月去中環玩水５個你要知！

撰文：林承禧 | 圖片來源：新假期資料庫、有關機構

One Piece水上嘉年華5個Q&A

主辦單位暫時只透過一張宣傳海報介紹活動，筆者將所得資料和估計歸納中以下5個Q&A：

1.舉行日期、開放時間及地點？

舉行日期為8/7 – 7/8，共為期一個月，但實際每天開放時間尚未公佈，地點為中環海濱活動空間。

2.主題及注目玩樂設施？

今次的水上嘉年華以夏日One Piece 海賊王為主題，官方尚未公佈任何玩樂設施，但留意到宣傳海報上，類近Slide the City的大型水上滑梯及大營帳幕，相信為今次嘉年華的最大注目位！

3.其他注目位？

將會有20幾個唔同嘅海賊王場景影相位，筆者相信影相位必定圍繞海賊王的故事，梅利號、千陽號及頂上戰爭等大型場景相信「走唔甩」！

以下為東京鐵塔海賊王樂園的片段。

4.攤位遊戲贈品及注目商品

與One Piece Run一樣，主辦單位會與AAPE聯承別注商品，One Piece Run便推出了限量版的紀念背心、袋、水樽等，相信今次同樣有類似的Crossover，而根據早前幾個大型的海賊王活動經驗，都會有期間限定POP UP STORE，推出限定Figure與精品，今次大家可能可以透過攤位遊戲直接得到！

5.入場費及各種收費詳情

官方尚未公佈任何收費詳情，想知道就要密切留意新假期周刊網頁同Facebook喇！