首間港鐵站 MUJI to GO 開幕! 新店實況一覽+旅遊產品Best Pick
廣告
全港首間港鐵站 MUJI to GO 開幕！店內貨品與坊間的無印店所賣的相類近，同樣有簡約設計的輕裝旅遊產品、日常用品、文具等，當然不少得日本零食部分，會因應時節推出日本零食，即刻同大家望望新店實況！
Muji to GO新店一覽！
主打旅遊！簡約輕裝旅遊產品一覽
1.多用途附帽頸枕 HOODIENECK CUSHION
新增多用途附帽頸枕，頸枕邊多了個類似衛衣上會有的帽子，可阻擋光線。
2.旅行証件套TRAVEL ORGANIZER
旅行証件套有多個格位，方便大家放卡、Passport，零散小物等。
3.滑翔傘布料旅行掛勾袋 HANGING POUCH
呢個袋可以袋住瑣碎嘅護理用品，例如牙刷、爽膚水、洗顏用品等。而值得一提嘅係個掛勾，入到酒店掛起就搞掂，唔駛攤哂出嚟搞到亂七八糟。
4.便攜式洗晾套裝 LAUNDRY SET
長途旅行或者出trip，少不免行李入面會有大量每日需要清洗嘅內衣同襪。呢套kit除咗有晾衫架同專用收納袋，仲有埋洗衫板，夠哂實用！畀你可以自己清洗貼身衣物貼晾衫，一條龍服務。
5.便攜式鋁質晾衣架 HANGER
其實一般酒店都會有晾衣架，但自問有潔癖嘅話，呢個便攜式鋁質晾衣架就啱哂你。喺佢簡約嘅外表之下，仲可以摺疊，方便攜帶。
6.便攜式衣服黏塵棒 CLOTHING CLEANER
黏塵棒貼樣唔係咩新發明，不過又係採用摺疊設計，帶出帶入都好方便，外形大小十足十似支無比敵。
