精選咖啡豆、營養餐即時送遞．兼無限次換領消費優惠

Apr 7 2022

疫情令香港人生活改變咗好多，各行各業都盡出奇招，積極地靈活應對。今次同大家分享2間喺疫情期間，將經營模式不斷提升嘅咖啡烘焙店同健康餐直送店。佢哋疫情下照常營運，繼續提供來自世界各地嘅靚咖啡豆，以及多元化嘅營養餐單俾香港人，令大家有更多選擇。呢2間中小企咁成功，因為佢哋參加咗一個活動！

精選各地烘焙咖啡豆味遊世界

咖啡除咗可以提神，仲係一種對生活嘅態度。Rias Coffee Roaster嘅咖啡烘焙師Margaret，本身非常鍾意咖啡，所以決定搜羅世界各地嘅咖啡豆分享俾香港人:「我哋2014年開始有自己嘅炒豆工房，推廣手工咖啡豆。嗰陣香港好難揾啲精品咖啡豆，通常都係炒到油淋淋、黑麻麻，所以我哋決定揾唔同產地、唔同花果香味嘅精品咖啡豆，等大家有多啲選擇。」

疫情拉近關係難忘顧客窩心趣事

雖然WFH令生意有所受影響，但Margaret認為反而令佢哋同客人關係拉近：「咖啡店要停堂食，加上位於觀塘商業區，人流受WFH影響，好多時客人唔能夠睇我哋即場沖煮，又唔可以親自嚟㨂咖啡豆，變咗我哋會拍片隔空教佢哋沖煮。雖然距離遠咗，但同客人嘅溝通反而多咗。」Margaret好記得有位客人話日日喺屋企WFH好悶，但飲到店內好味嘅咖啡，就會即刻提起神，能夠滿足到客人，Margaret非常高興。

面對艱難環境，Margaret決定改變咖啡店經營方法：「我哋將生意重心轉為網上銷售，並完善網上購買流程和物流，由疫情前需時一星期到貨，現時控制於即日或翌日出貨。客人更可選擇Lalamove 即時送貨，效率快好多。」能夠提高生意額，Margaret認為主要因為疫情期間，香港人要長期留家令佢哋有更多時間享受高品質咖啡。而WFH 需自行沖咖啡，令咖啡豆需求增加，更多人願意試唔同咖啡豆。

轉為網上銷售﹐Margaret遇過唔少有趣嘅事，「 3月疫情嚴重時，有位客人女朋友生日，本來想帶對方嚟試咖啡，無奈未能成事。最後客人買咗我哋新推出嘅『抗疫咖啡包』，入面集合咗7款唔同產地嘅咖啡豆。再用Lalamove送貨，即時趕到送出生日禮物，為女友沖炮製咖啡。呢個抗疫包好受歡迎，能夠喺呢段時間為客人帶來苦中一點甜，我哋非常開心。」

撐你撐中小企 Risa Coffee Roaster新增買滿$800 免Lalamove運費優惠，Margaret表示令大額單數量上升15-20% — Rias Coffee Roaster新增買滿$800 免Lalamove運費優惠，Margaret表示令大額單數量上升15-20% （圖片來源：LLM）

享受靚咖啡唔洗等用Lalamove即日送貨

生意轉營，能夠有如此好成績，生意伙夥絕對功不可沒。Margaret指原來Rias Coffee Roaster由2月開始已經與Lalamove結緣：「記得當時有其他運送平台都未必可以送上門，增加咗我哋出貨難度，所以我哋改用Lalamove即日送上門俾客人，可以滿足疫情期間唔方便出門嘅顧客。加上見到Lalamove當時推出咗『撐你撐中小企計劃』，可以幫我哋免費推廣小店優惠。參加之後可以俾客人一個新物流選擇，而且質素更穩定。現在客人只要買滿一定金額，Rias Coffee就會免運費用Lalamove將產品送上門。」

撐你撐中小企 Lalamove 由於某些物流商受疫情嚴重影響，取消上門收貨服務，Lalamove繼續維持點對點上門派送服務，令送貨速度維持正常﹐2小時送貨服務可滿足部分心急客人需要。 — 由於某些物流商受疫情嚴重影響，取消上門收貨服務，Lalamove繼續維持點對點上門派送服務，令送貨速度維持正常﹐2小時送貨服務可滿足部分心急客人需要。（圖片來源：LLM）

疫情期間，消費者更為注重生活質素，又想體驗方便嘅購物流程，好多時客人情願一次過買多啲去享受免費送上門；Margaret認為，新模式令客人滿意，同時令Rias營業額上升15-20%，吸引到新客戶，絕對係雙贏。在面對疫情新常態，她希望可以送到一點溫暖俾大家，就算喺屋企都歎到靚咖啡，大家一齊加油。

Lalamove Margret 認為，當日參加咗Lalamove撐你撐中小企計劃，免運送貨幫我哋鞏固客人關係，更加擴闊咗客源，而計劃最終受惠嘅都係客人。 — Margaret認為，當日參加咗Lalamove撐你撐中小企計劃，免運送貨幫我哋鞏固客人關係，更加擴闊咗客源，而計劃最終受惠嘅都係客人。（圖片來源：LLM）

Rias Coffee Roaster : https://www.facebook.com/Riascoffee/

—————————————————————————————————————————

NOSH高質健康膳食餐單開拓市場

除咗 Rias Coffee Roaster，於2015年成立嘅NOSH都於疫情期間繼續提供健康膳食外賣直送服務，同時提供專業到會服務。公司切合大眾需求，其健康膳食餐單由前酒店廚師設計，同時獲註冊營養師認可。

NOSH Digital Manager Jeff 表示，NOSH服務可分為三部份，首先主力提供不同健康目標為本嘅健康膳食計劃外賣直送服務，例如均衡飲食、體重管理、增肌、素食及生酮飲食等，一日三餐已經為客人計算好份量及營養價值。其次提供中、西、日、韓多國菜式變化，客人喺享受高質美食同時可以達到不同嘅營養目標。

Jeff表示，餐單每日由自家廚房新鮮製造，更同Lalamove合作，每朝將健康餐送到客人office或家門口。目的是希望客人以最方便，最健康和有效的方法去達致佢哋嘅營養目標。「NOSH最大特色是選用外國進口優質食材，而且不含防腐劑、無添加劑，所以餐單食用期會比較短，不過客人都能夠理解。而當中較受歡迎嘅菜色係低碳水化合物、均衡飲食同高蛋白質餐單，我哋形容呢啲餐單為西式體重管理系列。」

撐你撐中小企 Lalamove NOSH 計好晒碳水化合物、蛋白質同脂肪嘅比例，希望每個人喺唔同場合都可以食到健康、夠營養嘅餐盒。 — NOSH 計好晒碳水化合物、蛋白質同脂肪嘅比例，希望每個人喺唔同場合都可以食到健康、夠營養嘅餐盒。（圖片來源：LLM）

目標將送貨範圍覆蓋全港

疫情期間，大家更加注重健康，即使外賣都會著重餐廳用咩食材、點樣煮，先為之有營養。Jeff 指，呢段時間香港人飲食習慣都有所改變：「WFH後，由出街食飯變咗叫外賣，而且大家愈來愈注重健康，更多客人願意嘗試我哋嘅健康餐單，新客人嘅查詢亦隨之增加。為咗滿足需求，我們已擴大送貨範圍，現時送貨地區已覆蓋港島、九龍和大部份新界地區。」

撐你撐中小企 Lalamove — NOSH餐單一向用很多Superfood，例如：紅菜頭、藜麥、奇亞籽等，重點是這段時間要穩定高營養價值的蔬菜供應。其更利用物流夥伴Lalamove將健康膳食由NOSH廚房送到客人Office或屋企。雖然早前蔬菜供應不穩定，但NOSH仍然希望佢哋每日的努力能夠令市民一直保持健康飲食習慣。（圖片來源：LLM）

交由 Lalamove 送餐助計算營運成本

面對第5波疫情，Jeff 指 NOSH 營運方面更嚴謹：「廚房員工需要打齊針，每日返工量體溫並接受快速測試，並要求員工每星期做2-3次政府核酸檢測。同時額外安排廚房分A/B team運作，以減少服務中斷的機會。而疫情下開了一個新廚房，任何時候都有另一個廚房做後備，對客人的影響程度減至最低。喺物流方面，其實我哋以前用自己車隊送大部分餐，之後慢慢outsource出去，例如交由Lalamove去送餐，幫助我哋派送到更多方，同時更加容易計算運輸成本。」NOSH 由上年11月開始與Lalamove合作，由觀塘區開始，一路擴展到更多區分嘅運送。我哋對準時送貨服務感到滿意，因為餐單需要每日朝早7am – 9:30am送到客人門口，而Lalamove司機每朝早5點都去到我哋廚房攞餐，盡量做到準時送貨嘅服務承諾。

撐你撐中小企 Jeff表示，Office與廚房雖然喺同一棟大廈，但相隔很多層，NOSH好早期已經要求office及廚房同事盡量減少接觸，亦盡量減少踏足各自的工作地方。Office同事WFH，至於一定要到公司或廚房的同事就分A/B team，萬一發生問題都可以令影響減至最低。 — Jeff表示，Office與廚房雖然喺同一棟大廈，但相隔很多層，NOSH好早期已經要求office及廚房同事盡量減少接觸，亦盡量減少踏足各自的工作地方。Office同事WFH，至於一定要到公司或廚房的同事就分A/B team，萬一發生問題都可以令影響減至最低。
（圖片來源：LLM）

撐你撐中小企計劃提供宣傳渠道

Jeff 指：「疫情下很多人都不敢出街，因此外賣服務擔當一個重要角色，而Lalamove喺呢個時候推出『撐你撐中小企』計劃，提供宣傳優惠嘅渠道，所以NOSH想透過呢個平台為市民提供更多健康選擇，希望大家明白外賣嘅食物都可以有益又好味。參加咗計劃之後，令到更多人認識NOSH的服務和產品。由於平台集合超過170間本地品牌，有各行各業，例如餐飲及到會、電器家品零售、花藝、生活百貨等等，希望可以透過活動物色目標客群相似嘅公司，將來有機會做co-branding嘅合作。」疫情下，除左生意既增長，Jeff 更希望香港人既健康持續咁增長，相信大家好快可以笑住相見。

撐你撐中小企在這段期間lalamove仍然可以幫我們保持準時送貨服務，希望透過lalamove開拓更多送貨地區，目標是cover整個香港。 — 在這段期間Lalamove仍然可以保持準時送貨服務，NOSH希望透過Lalamove開拓更多送貨地區，目標是cover整個香港。（圖片來源：LLM）

NOSH：https://nosh.hk

————————————————————————

選擇可靠物流夥伴最重要

作為Risa Coffee Roaster同NOSH嘅物流後盾，Lalamove早於2月推出「撐你撐中小企」活動，與中小企疫境同行！任何商戶只需為活動提供專屬優惠，就可以參與其中，免費喺 Lalamove 各大渠道宣傳該優惠。活動由即日起至4月15日舉行，為企業帶來更多曝光率，令生意、銷量得以提升！

網民亦可前往Lalamove app的獎賞頁面並成為獎賞計劃會員，只要簡單幾步，就可以無限次換領超過170間商戶優惠券。留家抗疫，仍可用行動支持中小企！

詳情： https://bit.ly/3KgbfPS