最新論戰！ Kate Spade 手袋藍定白？實物原來是咁的……
廣告
舊年於網絡爭論個幾星期的藍白裙事後之後，「目測顏色」的爭辯又再掀起新一場論戰！今次「事主」係一個唔知藍定白色的手袋，就算生產商面澄清，加上網絡公投，似乎都平息唔到事件……
撰文：GOtrip｜圖片：whyofcorso / juanyfbaby / MalzzzlnDC
視力測試又嚟喇！大家仲記唔記得呢條挑戰你眼球晶體嘅「藍/白/黑/金」裙？當年環繞「#TheDress」的討論，搞到唔少朋友以為自己色弱/有眼疾！
Kate Spade 手袋藍定白？新主角登場！
昨日有網民開帖分享自己的新包包，沒想到靚唔靚還是其次，無限討論延伸竟然係爭論手袋藍定白，網民更用「#MyBag」代表她的藍白包包事件。
10月5日，Twitter用戶whyofcorso分享了一個新手袋，然後引起網民爭論到底是什麼顏色。
第一輪討論入面，似乎網友一面倒認為係「白色」：
其後「藍色黨」開始出櫃，堅持睇近啲其實係Blue。
望耐咗變藍？ FACEBOOK投票中
我們將圖片放到網上給大家投票，結果網友大比數認為係白色，但亦有人表示「望耐咗似係藍色」！真係好懸疑！
GOtrip的網友開始將個討論變成惡搞歌。
亦有人覺得係手機mon作怪，好難有統一標準咁話：
因為信唔過雙眼，我哋將測試交畀機器，在photoshop開啟相片，再看看檢色器「篤」到什麼顏色出來？
根據Photoshop的「認證」，個袋似乎係偏灰藍色？
生產商澄清，爭論仍未平息！
有網民找到負責生產和設計手袋的Kate Spade官網照片，證明這一款2015年登場的cedar street small hayden手袋的確係藍色（grace blue ），不過好多網友仍然接受唔到原帖的實物係藍，仲認為事主影相技術好有問題，應該係「check錯White Balance」咁話！
Kate Spade的網站上清楚顯示係藍色。
將官方圖片同埋網民拍攝的「作品」並列，又真係好難怪大部份人認為係白色啊！
