同唔熟既朋友搭一程車仲慘過 DSE考speaking
廣告
上到大學係一個全新環境，唔同既堂唔同既club唔同既活動等住你join。住hall既住hall 、上莊既上莊。雖然黎肯定可以識到五湖四海既新「朋友」，但依種朋友就好似香港七月、九月季節既颱風，黎得快又去得快。大部份人既建議，對依種「朋友」都覺得係唔洗太認真。見到面時可以「hi」下 ；走時可以「bye」下 ；生日時就可以「快樂」下。簡單直接卻嫌膚淺缺乏情感上既交流。(DSE考speaking )
文：姨姨哦哦｜圖：網上圖片
同唔熟既 朋友 搭一程車仲慘過 DSE考speaking
但適應新既人際關係肯定會有段尷尬期。
真心朋友兄弟平時見面當然攬頭攬頸 嘻嘻哈哈，但如果你地既關係仲處於尷尬期，姐係個隻你同佢講野仲要避避忌忌錢銀又要計到100%精準 ；佢講東時你就算有少少唔認同為左情面你都唔夠膽講西；
你地既友誼就未必係表面咁深厚。
其實有一種indicator可以indicate一段友誼既成熟程度。
就係當你落堂啦完左活動要走啦歸家啦，如果你要同佢單獨搭一程車你會唔會淆呢？大部份人即使同一個人相處左幾耐都好，如果你地係唔熟既，聽到依個測試點都會淆淆地。部分人甚至仲會淆底到狗衝走左去或者扮有野做避免個正面交峰。
同唔熟既人搭一程車，其實係考核緊你既說話能力。
情形就好像似翻翻中學考DSE speaking咁。你個腦入面高速運轉有咩話題，把口又好似機關槍咁Billy Baly，驚死程車中間有咩death air，「考官」就會對你印象分大減，表達自己時態度要有善 言辭要有禮，「同學」講佢既見解時要有眼神接觸，輕微既點頭以展示自己有用心聆聽他人意見。
「嗯，我好同意你既講法」
考DSE你就話可以講依d假膠野姐，大學生到搭車時Dead air又可以點解決？
同唔熟既人搭一程車仲慘過DSE考speaking。
