時尚盛事CENTRESTAGE開鑼 5個唔可以錯過嘅精彩位

Sep 7 2021

一年一度亞洲矚目時尚盛事CENTRESTAGE (香港國際時尚匯展)將於9月10至12日喺香港會議展覽中心舉行，除咗時裝買手，今年仲首次全面開放予公眾免費入場，即刻睇睇有咩精彩位！

（一）匯聚24個國家同地區超過200個品牌現場銷售

今年CENTRESTAGE匯聚來自24個國家同地區，超過200個品牌參與，部份更會以展會價發售，相當抵買，鍾意時尚購物嘅朋友一定唔可以錯過。今次仲開放畀公眾免費入場，大家一於盡情購物！

（二）精選香港特色品牌、產品

展會當然唔少得香港本土嘅時尚精選產品，包括YOYO LAU x NOVELTY LANE嘅大白兔糖加細碼手袋、雄獅樓嘅紅色獅頭耳環、TIMBEE LO嘅珍珠眼球耳環，同埋ISATISSE嘅印花Tote Bag等，全部都充滿香港地道感覺，以上精選產品喺CENTRESTAGE期間都會有折扣添。

左：Faith & Fearless 大碼Tote Bag 0 (原價 0) 展位：1C-D15 （圖片來源：客戶提供)右：TIMBEE LO 珍珠眼球耳環 8 (原價 0) 展位：1C-D15 （圖片來源：客戶提供） — 左：Faith & Fearless 大碼Tote Bag $280 (原價 $360) 展位：1C-D15 （圖片來源：客戶提供)
右：TIMBEE LO 珍珠眼球耳環 $768 (原價 $960) 展位：1C-D15 （圖片來源：客戶提供）

左：YOYO LAU x NOVELTY LANE 大白兔糖加細碼手袋 8 (原價 8) 展位：1C-D15 （圖片來源：客戶提供）右：雄獅樓紅色獅頭耳環 8 (原價 8) 展位：1C-D15 （圖片來源：客戶提供） — 左：YOYO LAU x NOVELTY LANE 大白兔糖加細碼手袋 $238 (原價 $298) 展位：1C-D15 （圖片來源：客戶提供）
右：雄獅樓紅色獅頭耳環 $298 (原價 $398) 展位：1C-D15 （圖片來源：客戶提供）

ISATISSE 印花Tote Bag 0 (原價 8) 展位：1C-D15 （圖片來源：客戶提供） — ISATISSE 印花Tote Bag $320 (原價 $398) 展位：1C-D15 （圖片來源：客戶提供）

（三）現場設幸運大抽獎

畀得公眾免費入場，大會安排都相當周到，CENTRESTAGE亦現場設幸運大抽獎。另外，又會有精美禮品供現場換領！(推廣生意的競賽牌照號碼: 54838) ，大會將送出隨身酒精噴霧一支連免費雷射刻名服務，只需要透過下面連結登記然後喺展場出示此報導，每日限量，送完即止。

時尚盛事CENTRESTAGE開鑼 5個唔可以錯過嘅精彩位 — 立即登記即可在展場獲贈酒精隨身噴霧一支連免費雷射刻名服務（圖片來源：客戶提供）

登記網址：按此登記

（四）開幕匯演請來時裝達人張敬軒

另一方面，大型開幕時裝匯演CENTRESTAGE ELITES將於9月10日晚上6時半舉行，今次請到本地設計師組合陳景熙(Calvin Chan)同鄞子欣(Joyce Kun)嘅人氣品牌The World Is Your Oyster，以及知名韓國設計師Mooyeol Lee嘅品牌YOUSER喺舞台上全球首度發佈2022春夏時裝系列外，仲有歌手兼時裝達人張敬軒親臨現場做表演嘉賓。想睇show嘅大家可以喺展會網站、Facebook同Instagram) 收睇直播匯演，今次更加入特別的AR效果，增強大家網上觀賞體驗添。

（五）多項時尚推廣活動

除以上活動，CENTRESTAGE in Town亦聯乘咗約100家唔同嘅時裝店、商場、藝術文化地標等，喺9月中實行全城時尚活動。當中包括CENTRESTAGE時尚展示、CENTRESTAGE電子展示廊、CENTRESTAGE期間限定店、D2 Place 週末市集、「慢活‧樂」@元創方、CCAC手作市集、JCCAC X PMQ 合作展覽系列。咁多精彩活動，記得Mark低日子去啦。