2015印第安12圖騰運程預測 – 烏鴉/蛇/貓頭鷹/鵝
眾所周知，印第安人尊崇野生動物同風火水土各種大自然元素，佢哋甚至相信神會透過各種野生動物去同佢哋溝通，所以佢哋嘅文化都特別natural同wild。所以印第安人都好希望自己能夠擁有各種野生動物嘅特質，亦因此出現咗以北美洲各種充滿活力嘅動物做代表嘅圖騰。
今次我哋除咗介紹12個圖騰嘅性格之外，仲有各圖騰嘅2015年運程預測！今次輪到烏鴉、蛇、貓頭鷹同鵝啦！
烏鴉 Raven
出生日期：9月22日 – 10月22日
特性：
現代人對烏鴉的印象係深沉、黑暗的，但古時印第安人並唔係咁諗。
屬烏鴉的人俾人感覺係熱情積極的，大多數都可以俾到其他人一個鮮明的印象。正因為烏鴉對生命充滿熱情，他們喜歡探索新的事物，係天生的冒險家！
烏鴉喜愛大自然，會將大自然元素融入生活當中，環保意識亦好強。
同時，烏鴉觀察力很強，經常會察覺到其他人睇唔到嘅嘢，所以好多人會去咨詢烏鴉們的意見。
處於順境時的烏鴉會令其他人感到舒適和放鬆，烏鴉本身浪漫感唔少，而且頗有耐心。
但當唔如意時，烏鴉會變得矛盾、苛求和粗暴，令人為之卻步。
2015年運程預測：
烏鴉在2015年的整體運勢比較低下，身邊的人同事會出現非常大的變化，尤其是喺家庭同伴侶身上，所以會係比較難過的一年。
愛情：今年的愛情運就好似坐過山車咁，忽高忽低！有可能突然有新戀情，亦有可能突然結束一段關係。年初有機會同朋友發展成情侶，但3、4月間就好大可能會發生大型爭執，如果想繼續就一定要忍耐啦。
財運：今年烏鴉的財運相當弱，要量入為出，切忌亂用錢！捱到年尾會有轉機。
事業：1月會非常忙碌，但要深信努力就有回報！雖然回報未必會今年出現。要注意同同事間的溝通，唔好因為太忙而講錯嘢。
人際關係：上半年比較多機會認識新朋友，而且仲可能識到貴人！但要注意同屋企人可能會因為前途事宜而關係僵化。
蛇 Snake
出生日期：10月23日 – 11月22日
特性：
喺北美洲，巫醫同通靈者通常都係屬蛇的。屬蛇的人通常都對靈界事物比較有感應，所以喺古時係珍貴人材。
返返嚟現代，蛇蛇憑著獨到的看法，有能力將錯誤的事導回正軌。但蛇蛇嘅諗法係比較難理解的。他們有著獨特嘅神秘感，雖然經常會被人誤會，但心底裡其實係十分關心同伴。
雖然蛇蛇能長期獨處，但當遇到朋友時可以即刻表現出蛇蛇的關心同好意。戀愛中，往往能夠成為另一半的精神支柱同快樂泉源。
雖然蛇蛇本身都比較古怪，但身處逆境時情況更甚，情緒會變得非常不平衡。
2015年運程預測：
前兩年經歷過各種苦難的蛇蛇，今年終於可以鬆一口氣！雖然年中會再次出現類似的磨練，但如果可以從中學到令自己進步嘅嘢，以後日子會過得更加順利。
愛情：蛇蛇一向低調，就算有咩唔開心亦會收埋。雖然係咁，1月時有機會俾人觸及傷口，發脾氣在所難免。單身的上半年有機會遇到新對象，但可能因為金錢或工作關係而影響戀情。
財運：今年財運偏弱，一定一定要小心理財！如果有債務未清，建議盡量喺上半年清還，如果唔係年中可能有麻煩！
事業：上半年事業運強勁，最好把握機會搏殺！過了8月會開始回落，但依然算係強勢。
人際關係：如果是自由業者，好可能會遇到貴人！但如果係一般公司員工，3月時就要小心同同事間的爭執啦。下半年會遇到工作上能幫助你的人，好好把握機會將有升職機會！
貓頭鷹 Owl
出生日期：11月23日 – 12月21日
特性：
貓頭鷹飛行時能夠一瞬間轉變飛行軌道，呢一點同屬貓頭鷹的人一樣，是善變的（笑）。雖然難以跟隨，但如果可以成為交心的好朋友，就會發覺貓頭鷹其實係非常加善的，而且仲擁有獨特的吸引之處。
貓頭鷹的生活之道比較特別，他們注重有意義的生命。所以他們勇於冒險，鐘意旅行，開拓自己的眼界。
雖然貓頭鷹屬於全能系，但講到最適合的工作，非教育及創作藝術工作莫屬。
順境中嘅貓頭鷹係一個很好的知己、朋友，甚至乎愛人。作為聆聽者，貓頭鷹會熱切同有耐性地聽其他人的事，再從中給予自己的意見。
但當受到傷害時，貓頭鷹會漸漸自我中心化同自私，變得狡猾和殘忍。
2015年運程預測：
一直熱愛自由的貓頭鷹，今年會遇上比較多挑戰，而且工作會變得忙碌，但所有嘢都係為咗前途，克服到就可以變得更好。而可能因為咁而被迫放棄某啲事物，但呢啲嘢都唔會係你真正需要的。
愛情：愛情運唔算太大波幅。如果戀情係上年開始的，今年會開始面對真正的彼此，亦會從中發現另一半係咪能夠過世的對象。單身的則有機會喺上半年遇到新對象。
財運：整年的財務比較平穩，5月會有機會得到意外收入，而7月就會因為某事而重新審視自己的財務問題及習慣。
事業：在工作上遇到問題時，脾氣會變得比平時差，如果係從事服務業就需要忍耐一下了。如果是老闆的話，年中公司業務可能會去到瓶頸位，大可以考慮轉型或重新定位的可能性。
人際關係：上半年人際關係會遇上重大考驗，同工作上的伙伴及拍檔可能會因為小事而產生磨擦，有機會被圍攻。但請無論如何都要學習忍耐，事情完結後會有所回報。
鵝 Goose
出生日期：12月22日 – 1月19日
特性：
有耐性、不屈不撓、有雄心係鵝鵝的特性。為咗達到目標，會不惜代價，但為嘅唔係別人的掌聲，而係自己。經常審視自己，希望打倒昨日的自己。
時常鞭策自己，希望自己做到最好，亦因此經常會喺工作或競技上取得成功。同時，對於身邊的家人及朋友，亦會盡所能去幫助。
戀愛方面，鵝鵝係超級熱情的，幽默感同交際能力都高。但可惜有時會過度表現這些特質，令另一半感到有壓力而令到關係告終。
2015年運程預測：
相比起之前幾年，今年的變化算較為平淡。鵝鵝的高耐性亦能夠表現出來，就算有逆境亦能平穩地渡過。
愛情：今年的愛情運平淡，就算有新對象出現亦多數屬過眼雲煙，切記要小心。
財運：1、2月時會出現財政停滯的情況，唔需要太過著急。大概8月時投資會得到回報，但唔會太多，切忌太貪心。
事業：5月至6月時有機會創業或晉升管理層，但年尾對位於老闆及管理層的鵝鵝都會有衝擊，需要小心處理。
人際關係：今年會比以往更多機會認識新朋友，而新朋友都係比較大膽同有諗法的。不過屋企人健康有機會出現問題，建議對家人關心多點。
延伸閱讀：
2015印第安12圖騰運程預測 – 水瀨/狼/隼/河狸（出生日期：1月20日至5月20日）
