昂坪聖誕遊3大行程推介！冬日限定昂坪纜車小童$50優惠～＠Miss Sunny

踏入12月，街頭巷尾都充滿著聖誕氣氛～想過一個難忘聖誕？如果可以在冰天雪地下同家人、摰愛、朋友一齊慶祝就一定最深刻！其實想喺香港過白色聖誕去昂坪就得，可以搭纜車睇靚景、去昂坪市集買聖誕禮物、去戶外溜冰場溜冰，大人、小朋友都啱玩！本地小童仲可以優惠價$50搭來回昂坪纜車，仲有其他購票優惠小貼士，超抵！玩完再去大澳食好東西、影日落靚景同露營都得！即睇聖誕昂坪親子遊、情侶2人遊、一班朋友齊郊遊的3大行程～

路線一：親子遊

行程1：先同冰雪玩遊戲：雪天使

同小朋友去玩，有地方畀佢哋郁動放電就最好啦！小朋友去到昂坪可以同冰雪玩遊戲。呢個係今年嘅最新活動，你可以瞓喺雪地上，創作出專屬嘅雪天使，不過名額有限，想玩就要快手啦！

行程2：去大澳欣賞漁村景色歎大澳美食

搭完纜車，玩完冰雪遊戲，知道你哋未玩夠～嚟到大嶼山，一於帶小朋友去埋純樸漁村—大澳，俾生活喺城市嘅小朋友睇到香港嘅另一面，睇棚屋同食地道美食，欣賞大澳嘅水鄉風情～

去到大澳，除咗要欣賞漁村景色，仲要搵好嘢食！好似呢個大澳名物－車站豆腐花，充滿豆香又夠滑～

購票攻略：本地小童限定！$50搭昂坪360 欣賞冬日大嶼山景色

想欣賞香港嘅自然靚景，去搭昂坪360係絕佳選擇。坐上纜車可以遠眺北大嶼山郊野公園，仲會睇到港珠澳大橋。即日起至2019年1月1日本地小童更享有限定冬日優惠﹐凡以正價購買成人來回纜車車票（標準車廂），本地3至11歲小童即可以$50乘坐來回昂坪纜車（標準車廂）一次，咁抵，一於一家大細去玩啦～

路線二：情侶2人遊

行程1：昂坪市集睇浪漫飄雪+戶外溜冰

同情人一齊過聖誕，如果可以置身於白雪之中就真係超浪漫啦！咁就記得搭完纜車之後，要再去到昂坪市集～市集為咗增添節日氣氛，就打造咗個大型纜車聖誕裝置，畀大家影靚相。而喺指定時段，昂坪市集更特別設有戶外飄雪效果，真係好浪漫！另外，只要喺昂坪360商戶消費滿指定金額，即可喺特設戶外溜冰場上溜冰，有嘢買又有嘢玩，好滿足！
日期： 2018年12月1 日至2019年1月1日
地點：昂坪市集
時間：星期一至星期五：11:30; 12:45; 14:30; 16:00每日均設四場
週末及公眾假期：11:30; 12:45; 14:30; 15:30; 16:30每日均設五場

(飄雪時間以當天現場公布作準)

行程2：長沙泳灘漫步+欣賞日落

同情人拍拖，當然想影多啲靚相，留下美好回憶。情侶搭完纜車、欣賞完飄雪，去埋影日落相就啱晒！喺昂平可以搭巴士去長沙泳灘，在香港最長的沙灘同情人漫步，再去沙灘旁的地中海及南非美食餐廳共進浪漫晚餐～

路線三：一班朋友齊郊遊

行程1：行昂坪市集買聖誕精品

每逢聖誕節購物慾特別強，因為會有好多聖誕限定精品，真係好想買返屋企或者送畀人！昂坪市集在聖誕期間都出咗限定紀念品，真係好想要啊！同一大班朋友去昂坪，搭纜車之餘，記得都要去埋市集購物～買嘅時候又可以問下朋友意見，大家吱吱喳喳咁，勁開心！

行程2：兩手揈揈去Glamping

一大班朋友去玩，只有搭纜車、行市集點滿足到你啊～當然最後就係可以去埋郊遊啦！如果一早去玩，當然可以去埋大澳行虎山，親親大自然。除此之外仲可以去YHA昂坪戴維斯青年旅舍Glamping，有可容納8個人的靚圓帳營，亦有旅舍可揀，啱晒一大班朋友去！

必睇至抵買飛攻略！

除咗小童冬日限定優惠，仲有啲購票小貼士，記住佢就可以用超抵價訂票搭昂坪360，齊玩3大行程！
貼士一：網上獨家88折訂票，1+1 來回纜車標準及水晶車廂，免排隊換票，快速登車！
貼士二：買360全年通，於12月31日前購買360全年通每張只需$550，即可全年無限次乘搭昂坪纜車，更加送半價同行優惠券（總值高達$470）。用全年通仲可以直達登車區，節省排隊換票時間，同有獨家升級優惠及商店折扣優惠。