復活節放電首選 黃埔天地刺激「飛馳STEM Challenge」@Parent婷

又嚟到復活節長假期，爸爸媽媽們準備好同小朋友去邊玩未？想俾小朋友寓學習於娛樂，Parent婷今次有好介紹！黃埔天地今個復活節變身成為「飛馳STEM Challenge」樂園，透過唔同嘅新STEM玩具，俾小朋友化身探險家挑戰任務，大考小朋友嘅創意、邏輯思考、計算等STEM知識，集學習、娛樂、消閒於一身，邊個話學嘢一定辛苦！

創意篇！創造自己嘅小小世界！

每個小朋友都一定有自己嘅想法，小朋友今次可以大大發揮佢無限嘅小宇宙，用小積木創造一個屬於自己嘅小世界！過程中唔單止小朋友可以發揮創意、訓練手指靈活性、培養耐心和專注力，更係一個好機會俾我哋作為家長，了解吓小朋友嘅想法！

動感篇！動感遙控飆車＋越野飆車 體驗駕駛樂趣！

鍾意刺激活動嘅小朋友可以參加融入工程動能、科技及精算原理嘅「動感遙控飆車」，透過手制遙距控制極速跑車，模擬喺高速公路上飛馳嘅快感！另外仲有「越野飆車」，俾小朋友們遙控跑車喺叢林間展開一場跨越高山低谷的極速之旅！透過遙控車活動，小朋友要冷靜應對叢林中嘅障礙同崎嶇嘅地勢，絕對進一歩加深對STEM嘅認知。

歷史篇！無人機翱遊世界知名七大奇蹟！

有落地，當然有得上天！小朋友需於兩分鐘內遙控結合科學工程同數學原理嘅無人機，穿越七大奇蹟，包括佩特拉古城、里約熱內盧基督像、馬丘比丘、奇琴伊察瑪雅城邦遺址、羅馬競技場、泰姬瑪哈陵同長城。一次過考驗眼界、準繩度同操控遙控機技術！

如果你都想同小朋友度過一個富教育及精彩刺激嘅復活節假，就Mark低下列詳情！

日期：4月13至14日及19至22日
活動時間：下午1時至晚上7時(或換完即止)
活動地點：黃埔天地時尚坊MTR層 (港鐵黃埔站C1出口)
活動詳情：
– 即場讚好黃埔天地Facebook專頁，即可免費參加「創意積木工程師」及「動感遙控飆車」。
– 憑於黃埔天地任何商舖消費滿$200之即日單一機印發票，即可換領遊戲券乙張參加「越野飆車大挑戰」及「無人機遊世界」

*名額有限，額滿即止

更多資訊：www. thewhampoa.com