魔幻廚房打卡位逛 Jamie Oliver 首間期間限定店＠Miss Sunny

Photo：Barry

美食，總係有一種神奇嘅凝聚力。一到聖誕，就想約親朋好友一齊食番餐。將軍澳中心第一期優化部分啱啱完成同開幕，適逢聖誕臨近，以「Park Central 魔幻廚房 Kick’ mas Kitchen」為主題，將商場化身成窩心歐陸廚房。最矚目嘅影相位首推大型開放式英倫風廚房。另外全港首間 Jamie Oliver 期間限定店都登陸咗將軍澳中心，我Miss Sunny已經預備好約班鍾意煮嘢食嘅閨密嚟朝聖、入貨喇！如果喺商場消費滿指定金額，仲送 Jamie Oliver 玻璃杯或牛扒刀套裝！

01. 開幕有禮

將軍澳中心喺11月26號開幕當日，陳豪、陳貝兒同魔術師Louis Yan都有出席，同大家玩遊戲之餘，Louis更即席表演魔術。同場仲大派健康生活禮品包，包括 Jamie Oliver 健康調味料、超市現金券、商戶贈品，實用又健康。

02. 窩心英倫聖誕

位於將軍澳中心地下中庭嘅「魔幻廚房」最為矚目，設計以經典嘅英倫廚房為靈感，廚櫃放滿咗各式食物，概念正係源於外國人圍喺廚房一齊炮製聖誕大餐、一齊食嘅溫馨感覺。廚房裡面仲播放住英國人氣名廚 Jamie Oliver 嘅烹飪節目，我同一班姊妹梗係會偷師啦！另外，場內其他主題裝置，好似巨型茶壺、茶杯、火雞等，都係必到打卡位。

Park Central 魔幻廚房 Kick’ mas Kitchen

日期：即日至2018年1月1日
時間：10am-10pm
地點：將軍澳中心地下中庭

廚房裡面會播住Jamie Oliver嘅烹飪節目，偷完師仲可以去隔籬嘅期間限定店選購食材。

04. 全港首間 Jamie Oliver 期間限定店

我同成班姊妹都係 Jamie Oliver 嘅粉絲，全港首次開設嘅 Jamie Oliver 廚具及食品期間限定店，就喺主題活動期間登陸將軍澳中心。店內售賣由JO出品嘅廚具、餐具，同埋意粉、醬料、香料等食材，約埋班姊妹嚟買定食材開聖誕party就啱晒喇！喺商場裡面消費滿指定金額，仲可以換到香港獨家Jamie Oliver 一套4隻玻璃杯（價值$320）或者一套4把牛扒刀套裝（價值$480）！

Jamie Oliver 期間限定店

日期：即日至2018年1月1日
時間：10am-10pm
地點：地下中庭

多款由 Jamie Oliver 出品嘅意粉、醬料同香料等食材，都可以喺期間限定店買到。

05. 登上封面主角兼贏JO廚具

另一打卡位，一定要數場內12月號聖誕版嘅「明日總廚雜誌封面」喇！呢個影相位除咗可以畀我同班姊妹一嘗做封面主角嘅滋味，如果發揮selfie創意，將相片上載去將軍澳中心Facebook專頁，hash tag埋#parkcentral、#parkcentralkickmaskitchen，獲最多Like嘅4張相片，就可以得到Jamie Oliver廚具套裝一套（獎品總值超過三千元）。