馬鞍山 滑翔傘＋賞芒草！秋天好去處
廣告
最近天氣稍涼，最適合行山看風景。不過我哋又點會只係行山咁簡單？今次帶大家去 馬鞍山 滑翔傘 ，在高空欣賞芒草，來個「這一天我們會飛」！同平時行山一樣，需要由馬鞍山村開始行上去，大約40分鐘就可以行到，不過今次就比較有挑戰性，因為要孭埋滑翔傘嘅裝備上去，好彩重嘅行李都由教練負責，我哋呢啲初哥只需要幫手拎少少配件就得。
撰文、圖片：Mandy、GoTrip編輯部
馬鞍山 滑翔傘＋賞芒草！秋天好去處
滑翔傘 在空中逗留的時間受熱氣流，風向，風速等影響，風不夠大便會向下降，遇上風送爽的好天氣，隨時能在空中飛行幾個小時。由於要逆風起飛，所東風大的秋季，面向西邊的馬鞍山昂平屬於豪華起飛場，而且夏天上山較辛苦，最適合入秋玩。
每逢秋冬，昂平都會開滿芒草，今次我哋選擇飛上天睇！
喺起飛之前要先簽「生死狀」。
教練阿星話因為昂平呢度有一個大草原，所以普遍情況都可以做到原地升降，比較方便。
滑翔傘主要分為單人傘和雙人傘，單人要學，雙人只需跟教練飛。參加雙人傘體驗，事前不需要特別上飛行課程，只需要安坐於前座，聽從教練指示，就可以輕輕鬆鬆飛上天。
馬鞍山 滑翔傘 飛天四部曲
升空前須做足安全措施，戴上護膝，頭盔等基本裝備，最重要是揹上約10磅的咕𠱸袋，作為空中梳化之餘，降落時不慎仆街也可當救命墊。
喺上空望落昂平高原，俯瞰呢一大片芒草原，真係好震撼。
喺教練嘅專業指導下，仲可以試吓一齊控制左右添！
記者心思思想學飛，但教練傑哥即潑冷水「在香港學滑翔傘，過程漫長而痛，少一點恆心毅力都唔惦，學員之中只有兩成能堅持。」考飛行員牌一般要上12堂，每堂受天時地利影響，難度頗高，所以想飛最好還是找教練 。
X-FLY香港滑翔傘學會 – 雙人滑翔傘體驗
電郵：[email protected]
電話：6170 6615（星教練）
費用：$1,600（10-20分鐘，請於最少兩星期前預約。）
馬鞍山郊遊徑
路線：馬鞍山郊野公園→馬鞍山村→昂平→黃竹山新村
去程：於馬鞍山耀安村迴旋處步行 45 分鐘前往往馬鞍山郊野公園步行上山，由馬鞍山邨乘 NR84 邨巴在馬鞍山總站下車上山，或從馬鞍山乘坐的士（約$40）至馬鞍山村步行上山。
回程：在黃竹山新村（近菠蘿輋）乘坐 3 或 3A 號小巴至西貢。
