「港媽」成功爭取！ 香港公園 │4米長滑梯│今日重開
撰文：Keith 圖片：Keith、磨菇媽媽育兒手冊 Mushroomama Handbook
港媽成功爭取 香港公園 滑梯復活
在 香港公園 有10多年歷史的圓管長滑梯，於月前無故被拆除，令一眾街坊相當失望。正當大家以為又一個童年回憶消失時，有一位港媽卻靜靜起革命。由於睇唔過眼政府話拆拆，她便在網上發起聯署、向康文署投訴，然後再找當區區議員幫手發聲，把滑梯議題帶入區議會中討論，最後成功爭取在 香港公園 原址重建滑梯！
經過數月的復修及安全測試，滑梯正式於今日（2/11）重新開放。一個小小媽咪「政績」如此「標青」，絕對比區議員成功爭取「交通燈延長3秒」出色得多。該名媽媽更表示，「莫以善小而不為，更重要是，被搶劫時要出聲，將屬於自己的一切奪回來。香港是我們的，未來是孩子的，別輕易任人奪去孩子的未來資產，我們有責任，捍衛他們的權益。」希望大家都會為自己及下一代，爭取我們香港人應得的事物！
飛出嚟！ 4米長 1層樓高 高速滑梯
講咗咁耐，到底新滑梯好玩嗎？今日記者收到消息即時去現場為大家直擊。新滑梯長4米、高3米，同之前一樣，都係採用半透明設計，小朋友瀡滑梯時可以望到外面，感覺無咁焗促。公園現場更有一名保安員叔叔在滑梯入口看守，睇住小朋友玩，並要確認到家長在滑梯口接住小朋友才會放行，相當細心又安全。今日（2/11）下午3時開始已有很多小朋友爭住試玩，但滑梯原來相當刺激，速度比相像中快，更有不少小朋友飛出嚟，幸好地上是軟墊，大家拍拍屁股、掃走沙塵就繼續玩。有較幼小的驚到喊，但小學生就玩得十分起勁。可惜滑梯只限5-12歲童玩，否則記者我一早拋開身份瀡埋一份了。
咁刺激！家長又點睇？
嘩！會飛出嚟？容乜易被怪獸家長投訴危險，一陣又拆去！現場所見，由於有保安員在場，小朋友玩時很守次序，不會有撞在一起的情況出現。而不少家長都會在滑梯口接住小朋友，所以大可放心。家長吳先生表示「細細個青衣果邊有條仲長，呢條濕濕碎，地下又有軟墊，唔驚。」而來自倫敦的遊客亦有帶小朋友玩新滑梯，她表示外國的比這條大兩倍有多,所以不擔心小朋友自己玩。如此安全但又刺激，快點去同小朋友瘋狂瀡滑梯啦！
