美貌與智慧並重 學陳法拉培養氣質的3種方法

編輯：Evita | 圖片來源：Instagram ｜撰文:Pi

學陳法拉培養氣質的3種方法

個人談吐及衣著打扮：

由出道開始，法拉都係畀人一種溫文有禮，鄰家女仔嘅感覺。而私底下嘅法拉通常都比較少濃妝艷抹，令人望落感覺清純，更加突顯出佢嘅氣質！

增廣見聞：

法拉經常都會去世界各地去旅行，正所謂「讀萬卷書不如行萬里路」。所有經歷都可以成為人生經驗，而且法拉喺Instagram上加左好多hashtag，例如「#跟著法拉去旅行」、「#travelwithfala」等，記錄旅行經歷，相信大家參考造法，他日都會發現自己眼界更加擴闊。

不斷增值自己：

可能大家對法拉嘅印象只係無線藝員，但其實佢為咗做到一個更好嘅演員，私底下下咗好多苦工，而且涉及多樣範疇。例如功夫、攝影、仲試過執導過微電影，大部分關於藝術嘅都會涉獵，認真對待自己職業亦係好值得我地去學習。

不過講到底，其實做自己就最舒服，無需刻意要去模仿其他人，所以大家作為參考吓就好了。