開箱「包膠」!全港獨家 16款 LEGO Minifigures 忍者+蝙蝠俠+職安女漢子
撰文:Keith|拍攝:Scott
一星期一款 全港獨家出面無得賣
今次玩具反斗城與LEGO合作舉行感謝祭,全新設計並推出了4盒共16款全港獨家、出面無得賣的LEGO Minifigures 。只要在店內買LEGO套裝滿$450,即可換到這些特別版LEGO人仔。Minifigures一連五個星期會逐個星期轉款,現在打頭陣的是正在上映的LEGO忍者大電影造型,即睇開箱吧!
即日起至9/10 旋風忍者
限定換領的minifigures每一盒有4款,都是同一主題,像現正換領中的旋風忍者系列,內有4隻忍者角色。包括雙刀機械白忍者、像《滿城盡帶黃金甲》的金忍者等等。而忍者的配件都很細緻,特別是背後的雙刀,可以拿出來揮舞。
10/10起至16/10 Batman 電影
可能你會問蝙蝠俠都出到爛啦,仲有咩LEGO人仔咁特別?這星期的款式是特別裝扮的Batman,例如有手拿大大張美金的富二代(佢本身都係)、有腹肌兔仔、羅馬戰士等等,玩味十足。
17/10至23/10 野外露出
來到這個星期不再是LEGO的電影系列,回到生活化一點的造型。LEGO 城市系列的人仔在城市負責不同職業,例如像職安真漢子的城市拆除專家。而今次限定盒裝內有森林中工作的探險隊伍、拿著開山刀的工人,也有拿著放大鏡及指南針的人仔!
24/10至31/10 美國經典造型
造型 最後一星期返回經典系列,主打美國的經典造型,即大家對當地的刻板印象呢。例如提到美國一定有拳王洛奇、嬉皮士、大學啦啦隊隊長 和二戰水兵呢!
LEGO打卡位 夠慳位唔怕畀老婆鬧
可以換領的除了16款LEGO人仔外,每盒更會附送與Minifigures 主題相關的場景卡,可以讓LEGO仔都有打卡位。讓你不用再買額外的LEGO場景套裝都可以砌住玩先,間接慳番筆錢,同時又慳位,唔怕畀女朋友或老婆話「阻掟」。Camera Ready!拍番套LEGO大電影先!
將LEGO吞落肚 進擊的半米高人仔
最後,只要集合齊4套,再參加活動,就有機會獲得一個50厘米即半米高的純白LEGO人仔擺設。相比起一般Minifigures,它簡直是進擊的巨人。大家更可把細細隻的Minifigures放在巨人LEGO的肚內。不過這隻成半米高,好像又不再慳位,一定又會畀老婆鬧。算了,為了LEGO老子我甚麼也不怕!
記者點評:
今次的4套共16款LEGO minifigures為是次活動獨家推出,出面無得賣,值得收藏。而每隻細節位做到足,武器及工具的配件迷你但像真,不是粉絲都看得入迷, 「包膠」完畢。
換領詳情:
方法:於玩具反斗城購買LEGO套裝消費滿$450即可換領
日期 | 換領主題 |
9 月 26 日起一連兩星期 |
LEGO® 旋風忍者系列 |
10 月 10 日起 |
LEGO® Batman Movie 系列 |
10 月 17 日起 | LEGO® CITY 系列 |
10 月 24 日起 |
LEGO® 經典系列 |