銅鑼灣期間限定Samsung Studio Galaxy S10帶你進入神奇光影區+拎走免費禮品
出完Bonus又心郁郁想換手機？Samsung聽到你嘅心聲，喺3月推出全新Galaxy S10系列旗艦智能手機喇！Samsung更喺銅鑼灣開設Galaxy Studio俾大家慢慢試，場內設有超靚打卡位、仲有非常特別嘅互動光影體驗區，玩完仲有禮物收，你又點可以錯過！
驚喜互動體驗區 Galaxy S10帶你進入光影世界
今次呢個Studio嘅重頭戲係場內2個光影體驗區，入去前每人都可以借用一部最新推出嘅Galaxy S10，然後喺工作人員嘅指示下開始體驗活動。
1. Field of Hearts 萬花「瞳」
喺Field of Hearts入面，新機嘅NFC功能可以將你同朋友嘅心跳頻率化成光影show，真係超神奇！
2. Ocular Odyssey
而喺Ocular Odyssey，就可以見識到Live Focus Camera嘅功能。你只需要用Galaxy S10自拍一張，手機就會作出自動識別，然後進入體驗區，神奇嘅事就會發生啦！你會見到有好多對眼望住你，但唔使驚，因為係你對眼嚟架，係咪好過癮呢！
隨時隨地影靚相！體驗Galaxy S10超廣角鏡頭
喺光影體驗區試玩完Galaxy S10嘅各項功能，大開眼界之後，係時候好好利用Galaxy S10嘅超廣角鏡頭影靚相，咁就要去場內嘅攝影區啦！Samsung今次搵嚟本地著名插畫師b.wing，設計出多個非常有特色嘅打卡位，可以用Galaxy S10影靚相，等你親自感受Galaxy S10超廣角鏡頭嘅優勝之處！
同一時間，你仲可以見識到新機屏幕嘅震撼，因為Galaxy S10採用Dynamic AMOLED屏幕，色彩更靚更像真，唔止影嗰刻靚，show出嚟同樣咁靚！最重要係可以減少屏幕藍光，對眼自然無咁傷喇。
邊玩邊儲印花 精美禮品+手機殼等你拎
完成以上體驗，唔好急住走，因為仲有禮物收！大家每完成4個體驗區並齊集4個蓋印，就可以獲得一個Galaxy Studio Coin代幣，儲齊4個就可以去到手機殼設計區，發揮創意設計充滿個人風格嘅手機殼，仲可以即時帶走𠻹！
除咗手機殼，大家亦可以選擇用一個代幣，玩一次夾禮物機，隨時贏走指環手機架、靚靚Tote Bag或精美貼紙！
除咗以上打卡位同體驗區，場內仲有其他區域俾你更加深入了解Galaxy S10嘅過人之處，GALAXY STUDIO 只係期間限定開放一個月咋，快啲約埋朋友一齊去玩喇！
