6大迪士尼經典故事 首次登陸九龍灣！3大亮點+必買精品＠Miss Sunny

每逢暑假都會特別多節目適合家庭樂，今次就有6個迪士尼經典故事主角首次登陸香港！《小飛象》、《鋼牙與大鼻》、《木偶奇遇記》、《愛麗絲夢遊仙境》、《小鹿斑比》及《101 斑點狗》以巨型立體書形式出現在九龍灣德福廣場，啱哂大家影相打卡呃Like！即睇佈置3大亮點，以及期間限定店必買精品介紹。

1. 巨型立體書打卡位 攝入迪士尼經典故事

入到德福廣場1期內嘅迪士尼童話書佈置內，基本上每一個地方都係打卡位，喺呢到你可以揾到《木偶奇遇記》、《愛麗絲夢遊仙境》、《小飛象》同《小鹿斑比》嘅巨型立體書，一定可以影到呃Like相~

《愛麗絲夢遊仙境》

《小飛象》

《小鹿斑比》

《木偶奇遇記》

全場最吸晴嘅一定係呢隻4米高全港最大嘅Pinnochio！

2. CHIP ‘n’ DALE樹屋內睇書 享受悠閒下午

鬼馬可愛嘅CHIP ‘n’ DALE就會出現喺商場2期，大家除咗影相打卡外，亦可以帶埋小朋友讀書，事關場內會提供迪士尼經典故事書，免費借閱！

如果你嘅小朋友鍾意講故事又有表演慾的話，不妨參加德福同迪士尼主辦嘅「童話‧童語」講故事比賽，有機會贏得高達HK$3,000迪士尼禮品！報名link： goo.gl/forms/4ENhacW0efSzc4AD3

3. 走勻商場各處 捕捉101斑點狗贏迪士尼精品

行商場同時記得留意吓身邊有無斑點狗出現，一見到就記得拎部電話出嚟Scan一Scan佢哋隔離嘅QR Code，Scan齊指定數量就可以換到迪士尼精品！

期間限定店 必買獨家精品

影完相、玩完遊戲，仲要去買迪士尼精品咁先叫完滿~由T恤、布袋到鎖匙扣、卡套等等，應有盡有。平日要揾到呢6個迪士尼故事主角嘅精品一啲都唔容易，如果你係佢哋嘅fans就絕對唔可以錯過呢個Pop-up store！

德福廣場「童夢‧迪士尼經典故事遊」活動及期間限定店

日期：即日起至 9 月 2 日
時間：11am – 10pm (星期一至五)/ 10am – 10pm (星期六、日)
地點：九龍灣德福廣場1期地下中央展場及2期3樓中庭