【率先睇】旺角迪士尼期間限定店！POLYGO三眼仔＋維尼 買過百樣精品
廣告
今個復活節一班迪士尼人物將於旺角開迪士尼期間限定店！除了多款限定產品，還有可愛布置及影相位，勞蘇、三眼仔等都會出動。不過，做乜成班迪士尼人物都由圓碌碌，變成「起晒格」！原來今次是「鑽石面」的POLYGO系列，他們像走入了像素世界一樣，相當特別。現在率先看看有甚麼產品值得入手吧！
撰文：Keith｜拍攝：Tony
起晒格！跳出樂園 走入MK 開迪士尼期間限定店
每逢復活節，各大卡通人物都會空群而出，出場應節。而迪士尼的一班角色也不例外，總會為大家帶來不少節日氣氛。今次他們就搞搞新意思，跳出迪士尼，來到熱鬧的旺角同大家過節。一班「起晒格」的迪士尼角色，勞蘇、三眼仔及維尼等一齊開設迪士尼期間限定店。今次系列名稱「POLYGO」，源於英文「POLYGON」，意思為多邊形，所以一眾角色設計成像鑽石的多邊起格設計。
現場到時亦有可愛布置及影相位，小熊維尼、勞蘇、史迪仔及三眼仔更會化身「店長」坐鎮，大家可在裝置自拍打卡！而店內出售過百款精品，除了「鑽石面」、多邊稜角設計的POLYGO迪士尼人物公仔，還有不少周邊產品。記者覺得雨傘、手機殻及「尿袋」充電器等周邊產品反而更實用，靚得來又有用，必入手！
迪士尼 POLYGO期間限定店
日期 ：3月29日至4月29日
地點 ：旺角朗豪坊4樓通天廣場
