赤柱芬蘭聖誕市集 │親親芬蘭聖誕老人+極光玻璃屋之旅+80個特色攤檔＠Miss Sunny

唔使去芬蘭都可以睇極光絕不是夢！香港首個傳統芬蘭聖誕市集嚟咗赤柱廣場呀～極光玻璃屋、芬蘭Jacuzzi、雪地奇緣音樂舞台等多個打卡位，仲有成80個特色攤檔售賣各式芬蘭經典美食同精品等等等等…，當然唔少得要攬攬遠道而來嘅芬蘭聖誕老人啦，即睇呢個赤柱芬蘭聖誕市集有咩玩先～

赤柱芬蘭市集 3大必去拍照打卡位

1. 星光玻璃屋玩埋VR睇極光　

「海濱星空玻璃屋」必定係打卡首選！幻想下置身於芬蘭雪地中仰望繁星，再戴上VR眼鏡欣賞極光。玻璃屋外牆滿佈閃爍燈飾，星光閃閃，男友們記得準備專業相機啦！

體驗正宗芬蘭浴

源自芬蘭嘅芬蘭浴點可以冇呢？「芬蘭 Jacuzzi 拍照區」不時有煙霧效果，見到都有雪地feel，唔知著毛毛褸浸浴係咩玩法呢?!

巨型音樂盒

近4米高嘅超巨型「雪地奇緣音樂舞台」以藍綠極光顏色為主調，加上七彩燈光折射，好似置身音樂盒中，舞台中央位置仲有得玩手動旋轉添！零死角自拍景點首選！

80間芬蘭小屋 必掃芬蘭美食、極光主題手作及節日精品

市集內香噴噴，有經典芬蘭肉丸、腸仔，芬蘭聖誕撻Joulutorttu，以及芬蘭人最鍾意食嘅藍莓乾、麥片和Gin酒。本地檔主亦花心思設計有極光同小鎮夜景嘅手工曲奇、形象可愛嘅手製特色巧克力及手工糖果等。當然唔少得芬蘭必買嘅手信「星球玻璃精品」，以及由芬蘭工匠親手製作嘅聖誕擺設同市集獨有嘅手作精品，嚟赤柱芬蘭市集全部送晒俾摯愛，夠晒特別呀！

近距離親親芬蘭聖誕老人

市集內嘅矚目焦點當然係由芬蘭遠道而來嘅芬蘭聖誕老人啦！佢將會係活動日4pm-7pm不定時出現係市集同大家影相，要野生捕獲聖誕老人嘅話，記得把握機會啦！每日首100名參加者仲有機會得到聖誕老人村獨家名信片連郵票郵戳一張，非常珍貴！

Kuksa原木手工杯及熱紅酒換領

聖誕市集仲有專屬紀念杯盛載熱紅酒，今次特別推出來自芬蘭嘅原木手工杯Kuksa，極具收藏價值。由12月1至17 日期間於赤柱廣場及芬蘭聖誕市集內消費滿600港元(最多2張發票^)，即可換領Kuksa原木手工杯一隻連熱紅酒換領券一張*。(每日名額250個，先到先得，換完即止 )

赤柱廣場芬蘭聖誕市集 活動內容：

日期：2017年12月9-10日及16-17日（一連兩個星期六及星期日）

時間：中午 12 時至晚上 8 時

地點：領展赤柱廣場天幕廣場

芬蘭聖誕老人見面會：

日期：12月9、10、16及17日

時間：下午4時至7時 (每節20分鐘)

聖誕節慶表演時間：

日期：12月9、10、16及17日

時間：下午2時至7時

大會特別增設免費穿梭巴士由海洋公園及筲箕灣往返赤柱廣場，及免費穿梭船由香港仔海旁道4點梯台往返赤柱卜公碼頭，係活動日12nn – 9pm就可以搭啦，夠曬方便。活動期間，赤柱廣場泊車位只供預約泊車人仕，建議訪客使用公共交通工具前往。