賽馬會「喜」動遊樂場 虛擬空間x真實體驗 網上工作坊「陪你玩」！
最近由香港藝術中心策劃、香港賽馬會慈善信託基金主要贊助、利希慎基金為策略伙伴、精神健康諮詢委員會全力支持^嘅「賽馬會『喜』動遊樂場」，就最啱大人同小朋友參加啦！活動以遊樂場做主題，因為遊樂場唔只係玩樂場所、公共空間，更係童年回憶嘅儲存庫、心靈嘅棲息處。當中結合本地同埋海外藝術家大型作品、遊樂場同光影互動元素，係一個大人同小朋友都可以隨心任玩嘅網上遊樂場（藝術展覽）；再配合一連串由唔同界別專業人士主導嘅網上教育及外展活動，務求從藝術角度切入，以玩樂作為方法，同大家一齊探索無邊無際嘅心之國度！
2021年1月至4月期間，只要上賽馬會喜動遊樂場嘅網站（jcpopupartpark.hk），就可以欣賞藝術展覽，仲有網上講座同埋網上「陪你玩」（藝術工作坊），齊齊尋找心入面嘅遊樂場！
泡泡‧抱抱 #希望
泡泡，就好似有魔法咁，任何人見到都會好開心，輕盈但快樂分量十足！親子團體綠腳丫會同大家一邊欣賞英國藝術家斯圖爾特‧森堡嘅作品《喜泡泡》（笑臉泡泡），一邊聽蔓玲姐姐講故事：《魔法的泡泡》繪本，再一齊畫泡泡畫！
報名日期：2021年1月11日開始
報名詳情/link：https://www.jcpopupartpark.hk/post-go-play/bubble-magic-tc/ （適合任何年齡人士參與；9歲或以下小童須由家長陪同參與）
限量版材料包︰《魔法的泡泡》繪本（乙本）、滴管（3支）、圖樣（2款）
https://www.jcpopupartpark.hk/post-go-play/bubble-magic-tc/
靜修樂園 #共聚 #分享
而另一個由聲音藝術家黑鬼帶領嘅工作坊，係利用獨特嘅樂器模仿雀仔唱歌、昆蟲鳴叫等大自然嘅聲音，同大家喺屋企合奏出大自然嘅交響曲，並透過音樂、呼吸、遊戲去調節情緒及壓力，學懂專注當下，用聲音帶俾參加者快樂嘅體驗，面對「疫」境！工作坊主要透過聲音，回應香港藝術家楊理崇嘅藝術品《陸合彩》。《陸合彩》係一個六角形嘅鞦韆裝置，每個座位都會因應擺動嘅節奏發光同發聲，大家坐上去就可以一邊玩，一邊演奏出獨一無二嘅聲光交響曲。黑鬼喺呢個工作坊，就同大家一齊喺屋企利用呼吸jam歌！
報名日期：2021年1月11日開始
報名詳情/link：https://www.jcpopupartpark.hk/post-go-play/mindfulness-workshop-tc/
（適合任何年齡人士參與；9歲或以下小童須由家長陪同參與）
限量版材料包︰鳥形陶笛乙隻（款式隨機安排）
https://www.jcpopupartpark.hk/post-go-play/mindfulness-workshop-tc/
係咪好想同咁多位藝術家同埋遊戲達人一齊玩呢？快啲click入網址：jcpopupartpark.hk 報名啦！仲有好多其他活動歡迎大家一齊玩架~
^為精神健康諮詢委員會自2020年7月起推行的精神健康推廣和公眾教育計劃「陪我講」的項目之一。
(Presented by Hong Kong Arts Centre)
