【呢個香港人】觀塘裕民坊清場倒數！50年水果檔老店主：就算做50日都有感情！
撰文：kel｜攝影：陳浩然
最後一日！觀塘裕民坊清場
陪著不少觀塘友成長的裕民坊，有接近60年的歷史，昔日是觀塘市中心的地標，店舖林立，也是不少上班族必經之地。但隨住都市人急速的腳步，裕民坊要追緊步伐，在2007年被市建局啟動重建計劃，舊年被迫走上絕路。而在今年2月28日，不少已簽協議書的老店，將會遷出裕民坊，使一個繁華鬧市，變得人去樓空。
50年水果檔老店主：做50日都有感情啦！
記者在清場前夕，去到現場視察，不少老店已經相繼關閘，告別一眾街坊，只有小量店主做到最後一刻。而其中一間經營超過50年的水果檔順記，店主鄭老太指28日將不會遷出。「有簽的檔口，就會在28日搬走，我冇簽呀。咪繼續做囉！其實唔係賴死唔走呀，我都70幾歲，間舖我辛辛苦苦經營50年，做50日都有感情啦！我係好唔捨得，街坊我由細睇到佢哋大。」
雖然水果檔店主還未簽訂協議，但重建計劃亦會如常進行，難保一日檔口亦會消失。「而家唔係想唔走，只係賠償上佢哋出錯，將經營權分給了業主，但係50年都係我自己經營，道理上點都過唔去，重建局可以畀返良心，賠返應該要畀嘅數額，畀我養老，我都70幾歲，老公都80幾啦，呢間舖都係我哋一手一腳經營架真係。」
曾經的……
36年麥當勞
超過50年 勤記百貨
30年補鞋匠福嫂
嘉福公司
大生鐘錶
觀塘天空之鏡
