屯門菠蘿山行山｜港版大峽谷 順路去下白泥 睇日落美景
良景人的後山 港版大峽谷
在良景輕鐵站下車後，穿過屋邨到後山入口，沿舊軍車路上山就可到峽谷。坊間都叫這裡做菠蘿山，但根據地政總署地圖所示，真‧菠蘿山其實位於山景邨後，今次行的山徑應叫良田坳峽谷。
穿過良景屋邨後見車路，見到草地就是後山入口，若找不到可問街坊，人人皆知。其後路段全程上斜，但全是闊落水泥路。
上峽谷只有大路一條，不亂走分路便可。上到山頂開始轉行沙路，易跣腳，要小心。上到山頂再走多10分鐘沙泥路， 看到警告牌就到了。
採訪當日，沿路看到不少街坊上山散步，亦有人拉車仔取山水，可見路程相當輕鬆。峽谷位於良田坳往下白泥中間，要走45分鐘斜路上山，但因是水泥路，相對輕鬆。沿路兩旁為青山腹地，可看到連綿高山低谷，但不遠處是堆填區， 偶爾聞到陣陣臭味，略為失色。大峽谷因斷層及風化而變得鬆散，範圍不大但深度約三層樓，近看很震撼，但因沙石風化，不宜走到太邊緣。泥黃的峽谷在日落時份染成金黃，隨手都能拍到好照片，唔夠喉還可以下山到下白泥繼續行程。
影相位1
影相位2
影相位3
上完山下海 影神級日落天空之鏡
秋天較少下雨，是影神級日落的好時機。下白泥的日落被譽為「香港最靚」，可惜交通欠方便，動輒花數小時入去等影張靚相，機會成本很高。而今次路線可先影大峽谷，再拍日落，計好時間全程約兩個鐘， 一雞兩味，點都有張靚相在手呃Like。潮漲及雨後泥灘水量輕微增加時就是拍攝好時機，日落及潮汐資料可從天文台網頁得知，但潮漲時記得預留時間撤退，影完峽谷不妨碰碰運氣。
影完大峽谷，可以選擇沿路折返，亦可以選擇繼續向前行，最後會到達下白泥，可以睇日落。由良景出發去到下白泥，包括拍照時間在內，2-3小時內就可以完成，新手都應付得到。
去完白泥睇日落，就完成一日輕鬆小行程了！
不過日落過後，所有人都會同時湧到小巴站，乘坐小巴出元朗，所以都要預留大約1小時等車，最好預備蚊怕水，否則企定定等車的同時，蚊仔亦會開餐。
良田坳峽谷
路線：良景邨－良田坳峽谷－良景邨，全長約5.5公里，建議時間連拍照2小時
交通：在港鐵西鐵線兆康站轉乘輕鐵505、507、615、615P抵良景站；離開時乘同樣交通工具折返
***提提大家，去任何郊野地方都記得要帶走垃圾，愛護環境呀～
* 出發前請準備所需裝備，如水、糧食、通訊工具及御寒衣服
* 出發前，請自行評估身體狀況，免生意外
* 請保持環境安寧，切勿破壞大自然
* 注意個人安全，切勿做出危險動作
採訪：廿四孝暖男｜ 拍攝：Him、Wing
