「飛」一般聖誕 尖沙咀銅鑼灣2大節日熱點｜聖誕好去處@ JetSo文
一年容易又聖誕，大家準備好迎接23至26日嘅4日連續假期未呀？放假就算唔去旅行，都一定要出街行下，先感受到節日氣氛！咁去邊聖誕好去處？去尖沙咀銅鑼灣打卡是常識吧！今次我就介紹兩個商場所舉行嘅節日活動，有表演睇、有燈飾影！去得商場當然要Shopping，聖誕唔買下聖誕禮物點對得住自己？所以我當然仲有購物著數推介啦，唔係我點叫JetSo文呀！
海港城 聖誕「喜」飛之旅及香港最新景點「海運觀點」觀景台
去得尖沙咀，有唔去海港城睇海景嘅理由咩？位於海運大廈新擴建大樓頂層的全新觀景台最近正式對外開放，坐擁270度維港景色，係欣賞香港日落晚霞最佳位置。而佢嘅燈飾每年亦都係大家聖誕呃Like影相嘅熱點之一，今年就以Christmas in the Air為題，海運大廈露天廣場將會化身成「空中之城」，三艘巨型聖誕飛船會載大家穿越星空，大家到時可以上船盡情影相！
另外，周日及公眾假期期間仲會舉行「飛」凡LED聖誕Show，大家可以欣賞到香港首架無人機空中表演，再配合現場燈效、LED小提琴演奏同Hoop呼拉圈舞蹈，視覺同聽覺一齊倍添享受。
走入北歐式聖誕森林
室外玩完再走入室內，12月起港威商場同海運大廈地下已經布置成一個北歐風格嘅聖誕森林，係來自倫敦嘅芬蘭插畫師Klaus Haapaniemi手筆，今次嘅合作仲係為「香港血癌基金」籌款，令大家可以過一個開心又有意義嘅聖誕。
海港城Christmas in the Air
日期：2017年11月21日至2018年1月1日
時間：上午10時至晚上10時
地點：海港城海運大廈露天廣場
「飛」凡LED聖誕Show
日期：2017年11月26日至12月26日（逢星期日及公眾假期）
時間：下午6時
地點：海港城海運大廈露天廣場
時代廣場 史諾比陪你堆雪過聖誕
唔使飛去美國都可以搵到呢位美國嘅大明星史諾比，佢仲帶埋《花生漫畫》一班朋友嚟銅鑼灣同大家過聖誕！你唔止有機會見晒佢成班朋友仔，仲可以認識更多關於佢哋嘅故事！到時你電話一定會長開拍攝模式，影個不停！一去到銅鑼灣，就好快會見到呢班《花生》友詩歌團，企定定咁報佳音，有雪人有聖誕樹，夠晒應節！記住要抬頭望埋四周嘅Woodstock，一排排連埋好似飛緊一樣。
喺出面影完相，就一定入埋去「史諾比影相館」，入面唔止有多個經典實景畀大家影相，仲有關於角色們嘅趣事同多個聖誕有關嘅漫畫，畀大家溫故知新～自認係Fans嘅你一定要去！
最後記得入埋商場呀！因為喺中庭位置有史諾比最經典造型之一嘅機師打扮，佢會坐喺狗屋同Woodstock一齊飛到三、四層樓高！係咪覺得佢同Cool魔一樣咁有型先？
Time Square Snoopy Christmas
日期：2017年11月21日至12月26日
時間：上午10時至晚上10時（11月22日上午10時至下午4時、晚上8時至10時）
地點：時代廣場地面及2樓大堂
史諾比影相館
日期：12月4日至29日
時間：上午10時至晚上10時
地點：時代廣場地面展覽廳
海港城及時代廣場 商場購物禮遇
睇完我嘅介紹，係咪已經好心急想去呢？去得商場，當然要去Shopping，買番份聖誕禮物畀自己都要啦！只要你憑渣打/ MANHATTAN信用卡喺海港城同時代廣場商戶簽賬，就可享高達HK$9,000現金券獎賞及一連串精彩優惠，就等我同大家介紹啦！
優惠1：單一簽賬滿HK$800或以上，就有HK$25現金券獎賞同額外1小時免費泊車優惠
優惠2：12月簽賬滿HK$3,000仲保證$125現金券獎賞，高達$1,100現金券。
優惠期：即日起至2018年3月31日
優惠受條款及細則約束。
借定唔借？還得到先好借！
