【聖誕本地遊】赤柱廣場 聖誕市集 有禮送 ＠JETSO文

攝影：Scott

有時放假我都鍾意約女神入赤柱周圍逛下食下嘢，對住個海慢慢行、歎下咖啡、睇下日落，感覺真係好chill。估唔到，今個星期六喺赤柱廣場開始搞嘅德國 童話村 聖誕市集 有得食買玩，仲有著數攞，真係逃唔過我Jetso文嘅法眼，有3大必換禮物唔可以錯過！

全港首創：波板糖Buffet女生必Like

糖，全部都係糖！喺5米高1:1巨型Pinky五感糖果屋裡面，除咗放滿手工波板糖，最矚目嘅「水晶燈」都係由多支真波板糖做成。波板糖任食自助餐你聽過未？呢個全港首創嘅lollipop buffet今年喺赤柱廣場舉行，仲可以免費食！只要消費滿$500就可以換領參加證，憑證可以$1都唔駛俾就食到出名手工糖果品牌Papabubble嘅8款口味波板糖！

食buffet前後仲可以喺糖果屋外面影相、打卡，呢間粉紅色小屋超有「Hänsel und Gretel」童話feel，全屋用粉色設計，仲有多支巨型波板糖同糖果，女生必Like，連我Jetso文見到都忍唔住要selfie。

必搶限定版聖誕童話杯

歐洲人過聖誕一定會炮製Mulled Wine，既係節日傳統，飲落又暖笠笠，呢個市集有得飲之餘，仲免費請你飲，只要消費滿$600就可以換番隻限定版聖誕童話紀念杯，兼送1杯Mulled Wine俾你。

免費食發光棉花糖

小朋友同女孩子最鍾意食棉花糖，只要download「泊食易」手機app就可以免費食到發光棉花糖，你仲可以用個app check下赤柱廣場即時嘅泊車資訊添。

特色Made in Germany聖誕禮物

聖誕就梗係要買禮物啦，買俾女神同一班巴打真係唔可以求其。聖誕市集以德國做主題，80個攤檔中有唔少係專誠由德國飛嚟香港嘅手作同精品，好有地道特色，聖誕前約女神嚟，可以試探下佢有咩心頭好，唔會買錯！

市集限定：德國風味美食

行到攰就要搵食，市集內有唔少德國美食以及用童話故事為原創的小食、甜品，邊逛邊食最爽！

赤柱廣場德國童話村 聖誕市集 資料

地點：赤柱廣場天幕廣場
開放日期：12月10、11、17、18日（一連兩個星期六、日）
開放時間：中午12時至下午8時
免費穿梭巴士：12nn-9pm往返金鐘及柴灣（12月10-11日）；筲箕灣及灣仔（12月17-18日），約20-30分鐘一班
免費穿梭船：12nn-9pm往返香港仔海旁道4號梯台及赤柱卜公碼頭

‧車位有限，建議大家乘搭公共交通工具前往赤柱。
‧駕駛人士注意：如打算活動期間停泊於赤柱廣場，必須在12月7-8日9am-6pm致電5984 6855預約，先到先得，額滿即止。
‧另鼓勵停泊於耀東、愛東、興東商場停車場，大會將有免費接駁巴士往返赤柱，於赤柱廣場消費可享4小時免費泊車。

‧有關以上特別安排之詳情，請瀏覽Linkhk.com或致電5984 0539。
‧「泊食易」：下載這手機app可查閱赤柱廣場即時泊車資訊外，可換領發光棉花糖。