敏感/素食人士福音! 網購 純素甜品
撰文：冬青 攝影：Hai
純素甜品 一樣吸睛！
試過店子的cupcake，因為沒有蛋，難以做到蛋糕的膨脹鬆化，但其實糕點口感亦算軟綿，而且老闆曉芙堅持不用任何化學物，吃得安心！最欣賞她的無牛奶忌廉，將壓乾的豆腐攪爛，加入椰汁及豆奶而成，不像一般的忌廉膩口，甚是清新！曉芙10年前開始茹素，兩、三年後為了動物而轉純素，當年素食風氣未興起，一向嗜甜的她根本無選擇，索性自己動手！多番研究外國食譜，找到以亞麻籽加水代替雞蛋的黏液、豆漿加檸檬汁做乳化效果、豆奶代替牛奶等等，不斷改良，數年來累積不少經驗。至於為何會整無麩質的呢？「事緣有次擺市集，有個爸爸問有冇無麩質蛋糕，因為佢囝囝對小麥過敏，冇得食蛋糕。」甜品讓人快樂，聽罷，又怎忍心讓小男孩，以至敏感的人不能享受這份滋味呢！
黑芝麻鐵觀音cupcake（無麩質） $25/個 西茶口味的蛋糕很常見，中茶的則不多。鐵觀音茶香回甘，配合黑芝麻的香口，原來也很搭配！
FB 上詳列了每款甜品的成分，客人亦可要求訂造不同口味的甜品。
純素牛軋糖（無麩質）$10/粒 用上純素棉花糖、豆奶粉、杏仁、椰子油，有淡淡奶香；另有綠茶味。
薰衣草冬甩（無麩質） $12/個 糕底軟綿綿，薰衣草清香；另有綠茶及檸檬口味。
15cm迷迭香檸檬糕（無麩質） $150 因著客人的提議而製成的迷迭香檸檬糕，材料有米粉、檸檬汁、檸檬皮、原糖、迷迭香等等， 甜、鹹、酸味混合著一起，獨特又有趣的味道！
上：6吋宇治金時生日糕（無麩質）$280 糕底及忌廉均用上產自日本的綠茶粉，茶味香濃，綠茶控不能錯過！
中：6吋士多啤梨藍莓奇異果撻 $170 忌廉用上椰汁、粟粉及原糖，配以水果的清新口味，至啱夏日，若餅底可再鬆脆一點更佳；可自選不同水果。
下：玫瑰cupcake（無麩質） $25/個女士們必選！單看樣子已夠煞食！糕底混有士多啤梨醬，甜而不膩，豆腐忌廉加入玫瑰粉，帶淡淡花香，又美味又浪漫。
提議新口味會試整！
純素而又無麩質嘅甜品選擇少，自己經歷過，所以好明白冇得食嘅感覺，好開心可以同大家分享，好似搵到知音咁！而且有時客人會畀意見我，佢哋提議嘅新口味我都會試整！
T.u.p（The Unique Peace）
•訂購：[email protected]
•FB：T.u.p（the unique peace）
•備註：價錢按不同食材變動，送貨地點及費用另議，需提早3－6日預約。
延伸閱讀：
本地春蜜 入貨時機!! 5大綠色法寶
