曖昧對象約會睇戲犯3大禁忌扣晒分！港女炮轟：係咪我要求太高？| 玩樂熱話

同曖昧對象睇戲犯大忌扣哂分！女事主：比返少少尊重好無？

睇戲約會大忌1 : 睇戲不停說話

曖昧不明嘅關係，真係令人更愛又恨！到底點做先可以進一步成為情侶？與曖昧對象睇戲，理應係一件好甜蜜嘅事。但樓主就因為一場戲，而感到反感！事源樓主同曖昧對象睇戲期間，對方不停說話，內容更加與劇情無關，令樓主無法專心看戲，唯有出聲叫對方收聲。

睇戲約會大忌2 : 睇戲不停用電話

對方除咗不停說話，更過分係每隔幾分鐘就拎電話出嚟用！行為不但影響到樓主，更影響到全場觀眾，令樓主感到非常尷尬。樓主無奈再次出聲，叫對方完場後再用電話，但被無視。

睇戲約會大忌3 : 完場即起身走

完場後，樓主表示對方立刻彈起，好似趕住走咁款！但樓主想睇埋花絮同彩蛋先，叫對方坐多陣先。

睇完戲後，樓主終於忍唔住要上討論區同大家分享，一齊睇下網友點回應！

港女：係咪我要求太高？網民反應一面倒！

女事主出post分享事件，問一眾網民意見，想知到底係咪自己要求太高。網民都認為對方由頭到尾都踩哂「地雷」，就算只係做朋友都真係接受唔到！散場一齊行出戲院都覺得羞恥！話覺得樓主無「開佢波」已經好好人。