盛湯廚房x惜食堂 x Jason Wang 獨家靚湯 以行動支持食物回收@MISS SUNNY
廣告
連續三星期嘅「盛湯廚房」活動，霎吓眼已嚟到壓軸嘅2場。之前兩個周末，Miss Sunny都有帶埋屋企人齊齊去到樂富同黃大仙捐錢支持惜食堂，仲飲埋由國際名廚王凱傑（Jason Wang）用回收食物及其他新鮮食材，獨家設計嘅四款靚湯。今個星期六、日「盛湯廚房」將會分別於鯉魚門廣場及蝴蝶街市舉行，我已經約咗屋企人再次出動，飲啖湯見吓對方，到時更加可以見到化身成「星級店長」嘅藝人朋友，即睇詳情啦！
（Presented by link）
捐款支持惜食堂 品嘗國際名廚設計靚湯
大家只要即場捐款港幣10元或以上畀惜食堂，就可以得到「盛湯廚房」換領券一張，憑券可以喺四款由Jason 設計嘅靚湯中入面揀選一款，包括神級Fusion湯、下火蛋花湯及佛系番茄湯都好好飲，不過我Miss Sunny最為推介嘅係仙氣養顏湯，因為以南瓜、木瓜、紅蘿蔔熬製而成，抗氧化功效十足，最啱我仙氣女神飲呀!
大家只需即場捐款港幣10元或以上予惜食堂，就可以飲到靚湯一碗及免費拍攝家庭照一次。
回收食材撐環保 8款配料任加味更好
最撐環保嘅Miss Sunny，我就非常支持今次活動，因為四款靚湯的用料，全部也是以領展街市商戶「賣唔晒」可供回收及食用嘅食材，精心炮製出嚟，好味兼健康更可以支持剩食回收。而且當我哋揀好靚湯之後，即場仲有8款配料任大家加入湯一齊飲，我強烈推介櫻花蝦乾及星型麵包多士，顏色又靚，口感變得更有層次，簡直就係由完美變成「神級」美嘅境界。
免費玩「潮拍長輩圖」 藝人撐場化身店長
當大家好似我Miss Sunny同屋企人飲完靚湯之後，記得唔好即刻走呀! 因為憑換領券，仲可以到「潮拍長輩圖」攝影專區，免費拍攝一張開心家庭照。除此之外，今個星期六、日鼎爺李家鼎、「大小姐」林淑敏、「送水輝」許家傑、「KC」歐瑞偉及「Terry」李偉健，分別喺兩個不同的活動場地化身為星級店長，同大家「飲啖湯見吓對方」。所以話，嚟到「盛湯廚房」既可以飲到靚湯同做善事，又可以同屋企人共聚及分享，更加可以拍攝靚靚家庭相，點都要把握最後機會去支持一吓!
「盛湯廚房」
地點：鯉魚門廣場
日期：5月26日
時間：下午1時至9時
星級店長：李家鼎 (下午2時至3時)；林淑敏及許家傑 (下午4時至5時)
地點：蝴蝶街市
日期：5月27日
時間：上午11時至下午7時
星級店長：歐瑞偉及李偉健 (下午2時至3時)
