7月生日有禮！送你至歎至舒服 SPA 療程！＠美容婉
7月壽星仔/女，生日快樂呀！見大家日日返工咁辛苦，美容婉我已經預備咗份生日禮物送畀你哋喇，就係一個價值超過$3,000嘅 Spa療程，成個treatment有五個項目，過程要兩個半鐘頭，等你歎足半日，乜嘢壓力、疲勞都一掃而空呀！而家就即派個朋友仔去幫你哋試下先！
舒服！簡約清新Cotton Rose
近年唔少treatment center都愛金碧輝煌嘅奢華裝潢，但呢間Cotton Rose卻大走簡約清新風，純白主題加柔和嘅燈光，好relax呀！呢度仲提供一站式多元化美容服務：塑形、瘦身、去水腫等各種天然專業美容療程同各式傳統按摩服務。今次美容婉就派朋友仔去試呢份送畀大家嘅「生日禮物」，睇下呢個 Spa係咪咁正先！
Relax第一站：光子養生幕 $680
每次去韓國都會去汗蒸幕出身汗，排水兼排毒，出番身汗，爽呀！呢個光子養生幕就更正，皆因佢透過釋放波長8-14遠紅外線加電氣石，發射率達90%以上疏通經絡，可以改善人體血液循環系統同微循環系統，釋放可以淨化空氣嘅負離子，同時能夠活化細胞，平衡人體酸鹼度，令到你成個人放鬆晒，幫你紓緩壓力、緊張情緒，仲打開埋毛孔，排走晒啲毒素同污物，養生兼抗衰老。
Relax第二站：玫瑰牛奶 SPA $680
毛孔打開晒，就梗係要去滋潤下！將身體沉浸在玫瑰牛奶浴內，讓紐西蘭新鮮牛奶＋有機玫瑰花瓣幫你紓緩疲勞，滋潤肌膚之餘，仲可以促進皮膚新陳代謝，鎖水兼補水，令全身肌膚更白滑，仲有玫瑰香添。
Relax第三站：減壓淋巴排毒按摩 $580
做 Spa又點可以少得massage呢？呢個減壓淋巴排毒按摩利用全身淋巴引流方式，幫你改善體內淋巴流動，做到預防同治療效果，不但可促進淋巴液排泄，仲可以排走身體過多水腫和廢物，同步改善代謝機能同免疫機能，達到收線條同活化肌膚嘅效果。
Relax第四站：礦物能量石治療 $680
按摩完，再用多種已加熱嘅大自然火山礦物能量石，加埋天然薑油，以深層的熱傳導嘅方式，幫你加速身體新陳代謝，同時能促進血液循環，加速深度脂解，提高身體代謝率，等你可以釋放壓力，敷完即時精力充沛，醒神！
Relax第五站：B3嫩膚針療程 $2,680
身體排完毒，疲勞全消，最後就要試埋呢度嘅王牌treatment「B3嫩膚針療程」，採用韓國嫩膚新科技，以海藻矽針嘅功效，配合幹細胞水光冰膜，可以為皮膚細胞進行修復，為皮膚細胞注入養分同水分，兼可以平衡皮膚嘅正負離子，仲能夠改善血液同淋巴循環，排毒淨化兼緊緻嫩膚。
