放假玩餐飽 ! 挪亞方舟 玩轉 機械智能遊戲 啟發小朋友創意潛能@Parent婷

作為稱職嘅父母，放暑假又係時候 plan 定節目，帶小朋友去放電。日日落公園玩到厭，興趣班坐定定有啲悶，有乜活動既可以畀小朋友舒展手腳，又能夠從中學習呢？原來今個夏日 挪亞方舟 由 7月21日至8月27日逢周五、六及日，預備咗多個機械智能嘅遊戲，啟發小朋友嘅創作潛能。一於帶埋老公同阿仔一齊去先！

5 大機械遊戲培養創造力

數碼化嘅時代，依家小朋友細細個就要學寫 code，而呢個「玩轉機械智激FUN」活動就有 5大好玩嘅遊戲，無論男仔定女仔都可以從中接觸機械嘅概念，發展興趣同創造力。就好似動能飛馳天地就可以利用踩單車產生嘅動能，控制微型賽車，喺九曲十三彎嘅賽道飛馳，運動之餘又可以學到科學知識，一舉兩得！

動能飛馳天地

小車手一邊踩單車，一邊利用單車產生嘅動能驅動微型賽車喺賽道飛馳！踩得愈快，微型賽車就行得愈快，名副其實畀小朋友放電呢！

樂高動物大遷徙

挪亞方舟嘅故事一定聽過，小朋友今次要幫一群可愛嘅小動物進行大遷徙。大家需要動動腦筋，擬定遷徙嘅策略同路線，計算重量、結構等比例來控制速度，以最短時間，利用樂高車將最多動物送到安全嘅地方！

智能破案小偵探

人人都想做偵探，小朋友可以利用機械智能儀器，化身智叻小偵探，辨認凶徒樣貌，緝拿真兇，智破一個又一個的神秘謎團！

機智尋寶大發現

炎炎夏日，想喺熱辣辣嘅沙池內尋寶一啲都唔容易。呢個時候梗係要借助機械嘅智慧，迅速將寶物一網打盡！

機械當入樽

夢想做個出色嘅籃球員？唔一定要喺籃球場上打波嘅！有咗機械小發明，無論幾高都可以「入樽」搶分！瞄準目標，發射！

親子競技場學習團隊精神

玩完考腦筋嘅機械智能遊戲，又係時候動動手腳，鬥智鬥力！挪亞方舟同專業遊戲設計師合作，設計一連串親子競技項目，小朋友需要同父母一齊衝破重重障礙，唔單止可以提升親子關係，仲能夠培養小朋友嘅團隊精神同努力不懈嘅品格添！活動咁豐富，既可以畀小朋友放電，又學到嘢，最緊要係咁多嘢玩，阿仔一定鍾意！

輪胎 GO！ GO！ GO！

咁多個輪胎點先運得到終點？就要考下大人小朋友嘅體能同合拍度啦！

滑雪飛車

滑板車平時都可能玩過，但加咗兩支棒棒就變成划船，又有新玩法！父母重拾童真之餘，小朋友可以變身滑板超人，人人望前莫後退！

鯨出沒注意

小鯨魚迷咗路唔知點出番大海？小朋友快啲拎起水槍製造水流協助佢吧！

推波助瀾

小朋友都可以變大力士！推車仔運送氣球絕對係體能大挑戰！唔單止要有速度，平衡力都係不可缺呢！

一擊即中

走入巨型飛鏢大世界，考考小朋友眼界！就睇下佢可唔可以企定定，瞄準目標成為「高分王」？

挪亞方舟 「玩轉機械智激 FUN」

日期：2017年7月21日至 8月27日（逢星期五、六及日）
時間：10am-6pm
地址：香港新界馬灣珀欣路33號
查詢電話：3411 8888
網址： http://www.noahsark.com.hk/tra/pdf/Wts-New_roboticssmart_poster.pdf
入場費：成人$168；小童及長者$138。11歲或以下之兒童，進場後可免費參加以上活動。