《狼圖騰》唔該畀啲空間我

濫捕、過度砍樹……然後呢？我哋會自食其果囉。同樣道理就算講幾多次，人都總係會重複犯錯。內地作家姜戎的《狼圖騰》出版後，翻譯成超過30種語言，最近更由法國著名導演JeanJacques Annaud 改編成電影，其實咪又係講同一個道理。故事講述60年代時，兩個知青到蒙古學習，親歷遊牧民族的生態失衡，因人類過度獵捕羊群，令狼群覓食困難，走投無路，繼而向牧民報復。亮點是，蒙古冰川、湖泊和草原等畫面都會在電影裡重現，還原遊牧民族的原生景象。蒙古人和草原共生的故事，讓人反思人同大自然的關係，亦是作者和導演的情意結。前者曾在蒙古草原生活11年，後者也在非洲生活數月，故決定開拍《狼圖騰》後，導演便跟姜戎實地考察，住蒙古包，在地跟遊牧人共處，前後共用7年籌備，當中訓練30隻蒙古野狼，拍攝過程也有馴獸師駐場。每日拍攝過後，都有清理雜物，盡量留影不留痕。