Fjällräven 狐狸袋 亞洲首旗艦店|登陸銅鑼灣|香港獨家3色率先睇 ！
廣告
這款四四方方的狐狸袋 ，即係Kånken書包，近年出到街，總有一個在左近，但這款袋在香港，一向都係「寄人籬下」，款式亦唔太齊。其實Kånken只係Fjällräven品牌下的一個背包系列，來自瑞典的Fjällräven，下星期終於有亞洲首間旗艦店現身，並於9月14日登陸銅鑼灣Fashion Walk！香港旗艦店更加獨家發售3種新色的Kånken背包，文青粉絲一定要留意！等我即刻率先揹給大家揀下啦。
撰文：bu｜攝影：Kwanyiu
香港獨家3色 狐狸袋 限量300個
今次香港旗艦店獨家限量發售3種顏色的Kånken書包，包括檸檬黃、薄荷綠及純白色，每種顏色限量100個，官方講明不會補貨，雖然是特別版，但售價同其他同款一樣。而Size就只有細款，啱晒女仔，就算用來返學，放手提電腦都夠。
[embedyt]
[/embedyt]
除Kånken袋 其他山系袋一樣咁型
Kånken袋可能對男生吸引力不大，Fjällräven其他款式的袋一樣有型有格，不論新款、舊款於旗艦店一次過就有得睇晒！
亞洲首間旗艦店 14/9登陸銅鑼灣
其實呢個瑞典皇室御用品牌Fjällräven除了有背包，還有防風褸、帳幕、睡袋等戶外服裝及裝備，非常專業的。而即將開幕的銅鑼灣旗艦店將會以經典北歐建築風格示人，樓高兩層、佔地320平方米，款式當然全港最齊全，相信山系潮人有排揀、有排行，不過價錢方面就全港統一呢。
