煮食神器！6大蒸焗爐推介＋「蒸」選食譜分享@Miss Sunny
（Presented by Broadway)
蒸焗爐近年一推出，就受到一班煮婦們追棒。因為佢集合蒸煮、烤焗等多功能於一身，唔使落油，煮出嚟嘅食物較健康，自然成為近年最受歡迎嘅家電之一。
Toshiba純蒸氣烤焗水波爐
呢款水波爐最大特點係用300°C過熱水蒸氣(乾蒸氣)煮熟食物。係高溫狀態下，水分子能夠逼出食物中的油分，保留食物肉汁及鮮味，減少卡路里吸收。絕對係追求健康人士之選！佢仲有100°C純蒸功能，同埋30°C至45°C發酵加蒸氣模式，想煮咩都無問題啦～
買水波爐仲送名牌廚具LE CREUSET 24CM 焗盤一個（價值：HK$438）
南乳吊燒雞食譜
團年飯點少得食雞？水波爐以180℃過熱水蒸氣焗40分鐘， 將雞皮烤到脆卜卜，同時逼出雞的油分，保留肉汁及鮮味，令燒雞外脆內嫩，美味又低卡！
材料
- 雞 1 隻 (約斤半 / 兩斤)
醃料
- 生抽 1 1/2湯匙
- 紹興酒 1湯匙
- 蒜茸 1湯匙
- 乾蔥碎 1湯匙
- 薑 1/2湯匙
- 南乳 1/2塊
- 五香粉 1/2茶匙
- 糖 1茶匙
- 八角 1粒
上皮料
- 白米醋 2湯匙
- 麥芽糖 1湯匙
做法
- 將所有醃料拌勻，備用。
- 將雞內外抹乾，以醃料塗勻內外，醃過夜。
- 按「過熱水蒸氣」模式，以180℃預熱。
- 準備上皮料，將白米醋及麥芽糖拌勻，座於熱水上至溶化。
- 抹走雞上的醃料，將牛油紙/錫紙鋪在焗盤上，放上雞，雞胸向上。餘下的醃料備用。
- 按「過熱水蒸氣」模式，以180℃焗40分鐘。當焗至20分鐘時，將上皮料掃於雞皮上，再按「開始」繼續烹調。
- 將雞取出，待涼5分鐘後即可食用。將南乳汁醃料煮沸，成南乳沾醬以點食。
Whirlpool 4S蒸焗爐
Whirlpool 4S蒸焗爐除咗設有蒸、烤焗、燒烤、蒸焗、發酵、慢煮、乾果、消毒等模式，仲設有特大水箱，連續蒸3個鐘都唔使加水，燉湯或者燜餸都唔驚乾水。買部返去畀媽咪燉多啲補品都好！
桂花黑豚肉
桂花嘅清香可以中和黑豚肉肥膩感覺，我而家都心郁郁想試下整！
材料
- 黑豚梅肉 300g
- 生粉 適量
- 乾桂花 適量
醃料
- 紹酒 1/2湯匙
- 生抽 1湯匙
- 糖 1/2茶匙
- 鹽 1/2茶匙
- 胡椒粉 少許
- 蛋黃 1隻
- 生粉 1湯匙
桂花汁
- 白醋 2湯匙
- 桂花糖 2湯匙
- 蜜糖 1湯匙
- 水 2湯匙
做法
- 豚肉洗淨抹乾水，加入紹酒、生抽、糖、鹽及胡椒粉拌勻，之後再加入蛋黃及生粉拌勻醃約15分鐘。
- 將豚肉沾上生粉，放入已預熱焗爐230度焗18分鐘後取出。
- 桂花汁拌勻，放入鑊內煮至濃稠
- 加入豚肉炒勻，最後灑上乾桂花即可。
Panasonic My Chef 多功能蒸氣焗爐
呢款蒸焗爐設有純蒸氣、烘焗、燒烤、微波等7種烹調功能，仲有49款自動食譜同4種清潔功能。而且爐門採用鏡面設計，感覺high class又時尚！用滙豐信用卡喺百老滙購買呢個型號，仲可以平$1600！抵玩！
蒜蓉蒸蝦食譜
新年要好意頭，梗係要食蝦！記得Save低呢款蒜蓉蒸蝦食譜！
材料
- 蝦(連殻) 600克
- 蒜頭 7粒
- 鹽 適量
- 葱(切粒) 適量
做法
- 選擇蒸氣烤焗，爐先預熱至200°C。
- 用剪力去蝦鬚，再剪開蝦背去腸，下鹽稍醃。
- 蒜頭切碎，蒜泥備用。
- 將蝦放置於隨機附送的烤焗盤上，以蒸氣烤焗模式200°C烹調約10分鐘。
- 取出淋上生油，灑上葱粒即可。
Bosch嵌入式/獨立式蒸爐
Bosch係德國高級家電品牌，品質有保證！呢款蒸爐中央底部配備「蒸發盤」，巧妙仿照傳統蒸煮方法，令蒸氣均勻散佈爐內每一個角落，確保蒸煮效果理想！
錦鏽海鮮福袋食譜
我出街食飯一定會嗌福袋，原來自己整都好簡單！入面嘅材料可以隨你嘅口味更改～
材料
- 日式腐皮 5個
- 青豆 2湯匙
- 蝦仁 6隻
- 雞扒 1件
- 帶子 5粒
- 蒜蓉 2茶匙
- 蔥 數條
- 食油 1湯匙
醬汁
- XO醬 1湯匙
- 蠔油 1湯匙
- 麻油 1茶匙
- 水 適量
- 生粉水 適量
芡汁
- 雞湯 適量
- 生粉水 適量
- 杞子 1茶匙
做法
- 將蝦、雞扒、帶子分別切粒。
- 蔥汆水，取出浸凍水備用。
- 日式腐皮切半。
- 中火燒熱鑊下油，加入雞、青豆及蒜蓉爆香，加入蝦、帶子、XO醬、蠔油。略炒，加入水及生粉水煮至收汁，加入麻油。
- 將餡料放入腐皮內，用蔥封口成為福袋，放入100℃蒸爐蒸約5分鐘。
- 芡汁︰將雞湯加入杞子略煮，加入生粉水收汁，澆在福袋上即可。
Miele獨立式蒸爐
Miele呢部蒸爐係德國製造，佢最大特點係可以每5°c調較溫度，做到每層溫度平均，時間精準，輕鬆控制火喉，配合三層層架，同步烹調更方便，慳返好多時間！而家百老滙仲做緊特價，減近$1,000*呀！
*優惠期至2月15日 (須於2018年3月3日前送貨)
南乳荔芋燜豬手食譜
新年想橫財就手中六合彩，整返碟豬手就啱啦！
材料
- 豬手 2隻（斬件）
- 芋頭 400克（去皮）
- 乾蔥 2粒（切碎）
- 厚薑片 3塊（拍鬆）
- 蔥白 2條（切段）
- 清水 125毫升
調味料
- 南乳 1件（約40克）
- 磨豉醬 2湯匙
- 老抽 2茶匙
- 原蔗糖 1湯匙
- 紹酒 2茶匙
- 胡椒粉及麻油 適量
做法
- 豬手冷水下鍋，中火煮至沸騰，過冷河瀝乾。芋頭切骨牌狀。
- 乾蔥、調味料放碗中拌勻，放Miele蒸爐以100°C蒸5分鐘。
- 所有材料放大碗拌勻，加蓋放Miele蒸爐以90°C蒸3至4小時至豬手軟腍即可。
SHARP 5合1純蒸氣焗爐
話明5合1就梗係有5大功能啦！純蒸、烘焗 (熱風對流)、燒烤、發酵，連微波功能都有埋，又多個藉口換咗屋企個淨係叮到嘢嘅微波爐佢啦～
三文魚食譜
意頭嘅嘢又點少得「年年有餘」啊？清蒸石斑食到厭，慢煮三文魚好似都唔錯！
材料
- 三文魚 2片
- 蘆筍 2條
- 蒔蘿 少許
- 橄欖油 少許
- 檸檬汁 少許
- 鹽 1/2 茶匙
- 胡椒 1/4 茶匙
做法
- 三文魚洗淨後，以鹽、胡椒及檸檬汁醃約1小時。
- 選擇純蒸氣50˚C，蒸約30分鐘。
- 出爐後把烹調過的蘆筍及橄欖油淋上三文魚，灑上蒔蘿即可。
(可自行配搭不同的時蔬，以配合個人口味)
